REMIGIO

Remigio l’è ‘ndàcc fò de cà ormai tace agn fa
Remigio l’è ‘ndàcc a stüdià dai frà
Remigio adès al turna a cà e l' próa a sircà laorà
Al ga piàs la cità…Milà
Da chi dèla tele, da chi di programmi de attualità
Ch'i ga dìs: “Va bene: accento non ne ha,
che qua di tópo, di fóto, di móto non ne vogliamo, no!”
la legge della tivù l’è ciàra: töt, ma Bèrghem no!

Dal vólt al bàs, i varda dal vólt al bàs
Mé reste ü bergamàsch!
Dal volt al bàs, i varda dal vólt al bàs
Ma strinàcc dal gas

Remigio l’è marüt per indà in onda ala tivù
Adès al dìs “Francésco” e “Villa d’Ógna” come lur
Ormai l’è üsàt a sentìs dì: “Ué Bèrghem öaöaö!”
“rassìsta” almeno i g'lo dìs piö…
Chi lé dèla tele, i tipi evoluti dèla cità
Ch'i ga dìs: “Va bene, dice che ce vòi fa?
Perché di pòta, di hùra e di hóta non ne vogliamo, no!”
la legge della tivù l’è ciàra: töt, ma Berghem no!

Dal vólt al bàs, i varda dal vólt al bàs
Mé reste ü bergamàsch!
Dal volt al bàs, i varda dal vólt al bàs
Ma strinàcc dal gas

Remigio adès l’è in onda e l' ga à ‘l servèl a màssa
A l’ospite col shitzu al ga dìs: “Mèi ‘l mé cà de càssa!
E a pensàga bé l’è mèi mé nóna col pedàgn
De chi gabàne ché de 20 agn!”
Chi lé dèla tele i cór ala svelta a smursà zo töt
E lü ‘l dìs: “Va bene, o dìcc cusè de bröt?
Töcc i parlàde de töcc i contràde de töta l’Italia i va bé però
La legge dèla tivù l’è ciàra: töt, ma Berghem no!”

Dal vólt al bàs, i varda dal vólt al bàs
Mé reste ü bergamàsch!
Dal volt al bàs, i varda dal vólt al bàs
Ma strinàcc dal gas