Il Bepi & The Prismas

31/12/2009

BERGAMO - La Cantinaccia (veglione)

Ol nòst segónt an consecutivo ala Cantinaccia a fa l'ültem l'è stàcc forse a pü sé (come 'l digherès ol Bobo A4) bèl de chèl prima! La mancàa la magica atmosfera dèla nìf inturen, ma in compenso, per esempio, dopo la mesanòcc la püdìt rià lé pü sé zét (doppia citassione bassosa). Ala fì, nonostante qualche piccolo impedimento tecnico, la seràda ma la purtàda a ca co' la solita spumeggiante allegria. Quando an suna 2 ure mèsa e pasa e, quase, an sa niscórs mia dol tép al völ dì che 'n sè 'ndàcc bé! Forse ol laùr piö dür l'è stacc pròpe spetà l'1.20 circa per püdì tecà banda. In effetti l'è ü cünt tecà ai 21.30 e finì a mesanòcc e ön oter cünt l'è rià a cà a 6.00 de matìna! Pòta, l'ültem l'è 'ssé. L'è sèmper istàcc issé. Davanti a noi, come previsto, i bepifans belli scalmanati (anche se educatamente seduti: sömeàef gnà oter) e anche tanta gente che non vediamo mai (soprattutto sui due lati). Ol concèrt l'è stàcc bèl variegato: ma tecàt con "Mao 'll'ümidità" in versiù amò disco e poi tante cosette del CD nuovo "Gleno", ön acustic version 'mpó fò de biglia de "L'ambülatòre" giöntàda con "Ol gir di coregn", l'Animale da cortile sèmper piö tentàt dala pàrt dela Manenti sö "Spèi fèmne", i Prismas in mille versioni inguardabili, il mitico Mario Poletti ospite sö "Erba e néf" e ol Bepi di nuovo biondo (e che biondo!) con tanto di lunghi capelli treccinati che Axel Rose al cunfrùnt al sömèa ü de l'ufficio anagrafe. Ma fàcc gnà öna cansù malinconica, mia de chi piö tristòte èco. L'è l'ültem de l'an e via de pepepepepepe...Però ma mia sentìt tace s-ciopècc. Mèi 'ssé. Ghéi stàcc? Un grosso grassie all'Emanuele della Cantinaccia, ai coniugi Jagger (gi o fàcc laurà ü falinì a iér), alla Daniela che ha ospitato in casa tutta la ciurma bordellosa fino alle 23.00 e ai super Prismas che ala fì de töt, anche sa i è stràch, i ma dà sèmper öna mà a desmuntà töt e a cargà la màchina. L'ültem grassie l'è sèmper per i bepifans, tutti. Buon 2010!

12/12/2009

BERGAMO - Manifestazione sindacale in Piazza Vittorio Veneto (breve apparizione del Bepi solo) h. 10.30

Le esibissioni diurne i è sèmper di laùr impó strani; se poi ci aggiungiamo che era la prima volta che cantavo a una manifestassione sindacale, che 'l fàa ü frècc de làder (e pòta: l'è anche desèmber, giösta!), che era mattina quasi presto, che si trattava di una piassa importante in mèsso all'atmosfera delle bancarelle natalissie...l'è malfà a tirà ü sunto de coma l'è 'ndàcia. Come ho detto anche dal palco, quell'angolo di Bergamo al ga 'l sò perchè, ga n'è mia de bale: è sempre emossionante guardare la gente con quel quadro dietro. De zét ga nìa mia pròpe ü muntù muntù, ma, considerate le cose scritte sopra, ga n'ìa comunque asé e soprattutto m'ha fatto piacere vedere, per l'ennesima volta volta, tra loro di bepifans che, orco Giuda, i è dal bù inesauribili! Só stàcc anche cuntét che i sindacàcc i abe pensàt al Bepi come "mèsso di comunicassione di massa" sènsa custringìm a dì negot d'oter de chèl che ülìe dì. 5 cansù per öna mesurèta buna comunque divertente: "Kentucky", "Ol süpermercàt" (püdìela mancà ché?), "Brenner Autobahn", "Al fiòca 'n piasa" e "Massimo Carrera" e pò dopo via, töcc a cà a maià polenta e cünì. Grassie ai ragassi del service e allo Stefano Contu de Càster.

07/12/2009

TREZZO SULL'ADDA - Live Club PRESENTAZIONE DEL NUOVO CD DI BEPI & THE PRISMAS!!!!!!!!

Issé tesi sia mé che i Prismas forse 'n sìa mai stacc! Eppure sono stato felice nel vedere che tanta emossione s'è tramutata sul palco in energia e concentrassione. Pochissimi errori e di minimissimo peso, töt liscio, töt bèl. Siamo contenti. La zét al Live l'ìa tanta e noter ma rüsàt a manèta per quase tri ure, ol tép de presentà ol nòst cidì nöf. Öna fadìga boia per faga fa sito a töcc in di dé (e pò a 'n di mìs) prima , per mia fa scapà la sorpresa...ol tìtol al ghìa de gnì fò doma ala fì e lé ol concèrt al sa sarès seràt. Così è stato. Nel silènsio un po' irreale della conclusione del brano dedicato alla tragedia del Gleno, sul maxischermo ecco comparire, finalmente, la copertina: Bepi & The Prismas - Gleno. Emossionati, parecchio, tutti: noi, voi, il coro Luca Marenzio de Darf presente söl palco, gli ospiti...Al momento sembrava quasi non fosse nemmeno piaciuto granchè, invece al bofàa piö nisü per la potènsa dell'emossione che ti blocca tutto. Avrei forse dovuto capirlo subito, ma sirchì a oter de capì quat ca sìe 'n aria! Forse solo ora mi rendo davvero conto che la seràda l'è 'ndàcia piö che bé, che io e Bobo A4 abbiamo fatto davvero un buon lavoro con le immagini, che gli ospiti sono stati tutti davvero bravi (Gabriele Rubino, Vincenzo Albini, Valter Biella, Giampiero Crotti e Mario Poletti): zét distante km tra de lùr come background eppure così unita quella sera! Bello...Non lo so se ripeterò l'esperiènsa di una prima assoluta e alla cieca così: i testi si capiscono poco e l'è normàl, ma poi, a parte chèl, dopo una roba così, cosa vuoi fare delle sorprese dai... Era un anno che preparavo tutto nei minimi dettagli, ma sènsa chi oter chi ma dàa öna ma ga sarès mai riàt. Grassie quindi ai Prismas e ai tecnici del Live, davvero bravi e attenti. E grassie a oter: dopo 6 agn amò ga crède mia a quat la zét la ma öl bé...e so cuntét de meravigliàm amò, gnach a füdès ü gnarelì!

28/11/2009

BRESCIA - Teatro S.Giulia (Villaggio Prealpino) Breve apparizione per la presentazione della Compilation Gói de cöntàla Vol. 9

Storia 'mpó strana per nóter chèla de Bressa al Teàter S.Giulia. In pratica c'han trattato come delle vere guest stars e, cunsideràt che 'n sìa i ünech forestér, l'è abastànsa fò! Nell'ambito della presentassione del Vol.9 dèla compilation "Gói de cöntàla?" c'erano lì quasi tutti gli artisti partecipanti al CD (suoni folk decisamente predominanti)e l'è stacia anche l'ucasiù per cognòs de persuna argü che 'l ma 'ncuriusìa zamò da 'mpó (ad esèmpe i Malghesetti). Mé e i Prismas ma püdìt sunà 3 cansù: Bank Blues (chèla finìda 'n da compilation), Pase zo (giösto per fa èt che se 'n völ an pöl anche mia fa i bambi) e Kentucky (giösto per fa èt che se 'n völ an ga rìa bé a fa i bambi). Ala fì ol vice-Sìndech de Bressa Fabio Rolfi e l'Assessore alla Pubblica Istrussione della Provincia Aristide Peli i ma 'nfìna a premiàt con d'öna munéda antica! Fa piacere constatare come il messaggio del Bepi sappia arrivare anche un po' più lontano. Grassie mille a loro, ai Prismas che i è gnìcc zo a gratis, ai fans e all'organissatore di tutto Cristian Delai, uomo dalle energie inesauribili.

10/10/2009

STEZZANO - Festa de Otùer (Piazza Libertà - ospiti i Chiodi!)

I finài de stagiù i è sèmper bèi, colcc, carichi e pié de zét! Sarà per chèl, sarà che a Stesà 'n sè sèmper indàcc bé, sarà che 'l tép l'è stàcc sö...fatto sta che in Piassa Libertà abbiamo fatto un gran bel concerto! Un po' un pacco, come si dice, non avere corrente fino alle 19.30 causa strada 'n banda che la pasàa sura i cavi, ma dopo l'è 'ndàcc drécc töt ala granda: i Chiodi hanno attaccato alle 20.50 e la piassa era già bella piena. 40 menücc de simpatia e sound very 60's (i a finìt co "I àe") e via nóter. Söl palco ma rüsàt asé, anche perchè, a saì ca l'è l'ültima, inconsciamente to spàret töt chèl ca l'è restàt e la zét denàcc la fa stès. Vers a metà concerto ma premiàt i vincitori del concorso "Disegna il Bepi 2009" co' l'Isacco Sacco (grassie per ol balù dol Rugby Bergamo)e 'l Mario Taccolini della Fumetteria Arcadia de Bèrghem, ma i sorprese i è finìde ché: ol Bepi-balù 'la ciapàt la coraggiosissima Marisa de Stesà che non s'è risparmiata in ancheggiamenti alla Tina Turner (chisà che ciciarà la zét in di bar adès). Ol brano l'ìa "Cosa ga det dré ai terù?", non il top della sensual song, ma oter...:-)Doctor Faust l'è riàt a truàga sö Coston Beach e ala fì dansa sö "Disco Sexy Bar remix", inchino e via...con una piccola puntina di amarèssa per una stagione strapositiva che se ne va, ma con tanta bensina in corpo per preparare a dovere quella che partirà il 7 dicembre al Live. Grassie a tutti ragassi! Ai bepifans de Romà che i à fàcc i veci del Giuliano (brai), al nostro Tour Manager Dolcetto, ala Sound Service de Castel Rusù, al Diego e la Ivana Jagger super-efficienti ala bancarèla, a chi de Stesà che st'an i ga ciamàt du olte e a tutti quelli che, con piccoli o grandi gesti (pò a iér i ga quarciàt de regài), supportano Bepi & The Prismas. Ariidìh :-)))

26/09/2009

GIANICO - Sagra di San Michele (ospite la banda di Gianico)

Ol dopolmesdé da mé al piüìa. O dìcc: "Forse 'ncö però ma la pürga!". E 'nvece, ala fì, a Gianech, ce la siamo cavata solo con un po' di frescolino e 'l concèrt l'è stàcc bèl istès. La tacàt la Banda de Giànech, sotto l'abile diressione del M° Guido Poni, alle 21 e dopo so saltàt fò mé a fa "Il Tenente Romele" e "Kentucky" insèma a lur. A questo punto, sorprese delle sorprese, ma sunàt "Suoneria piacevole e a ufo" con la band e la banda 'nsèma! Sul palco sentivamo pochino, ma mi sembrava una cosa ben riuscita. La scalèta l'ìa fò de biglia fés. Probabilmente sìe in aria come öna mina quando la facia zo: si saltava di qua e di là come nulla fosse e questo ha avuto almeno il merito di non dare troppi riferimenti al pubblico che, nonostante la temperatura semi-autunnale, era numeroso. Brao ol Guido pò a ciapà 'n mà ol basso tuba per fa "Brenner Autobahn" e "Ol medley de l'estat" (e "Coston Beach" in fonta), molto discoli, invece, i Prismas in vena di ammutinamento: stasìra ai riporte a l'ùrden con d'öna bela dose per ü de papinòcc, pò a chèl barbù dü chitarrista che 'l völ cumprà la Gretsch coi sólcc di fans! :-) "La Erika" brano-balù l'è stacia facia zo dal bambino (125 kg, ma oter) Alessandro de Grù che se l'è cavata egregiamente, sia come parole che come grinta (al ga sìa anche i armonisassiù chi gh'è sö "Fò de cover"). Grassie ala Audio&Luci e ai suoi boys, grassie all'Amministrassione Comunale di Gianico e naturalmente alla Banda di bociasse che la à sèmper mèi!

25/09/2009

CASSANO D'ADDA - Cassano in Festa

Bèla seràda chèla de Casà! Eravamo al di là dell'Adda (confine non indifferente per chi fa robe dialettali) e go de dì che la risposta di milanés (aiutati, ovviamente, dal calore di bepifans orobici) l'è stacia piö che soddisfacente, e come numero e come partecipassione emotiva. Quando ède chi sö de de età superare indenni ol mür de "Cosa ga det dré ai terù?" (brano non certo per amanti del liscio, ecco) e andare oltre al völ pròpe dì o che i è dré a diertìs o che i ga rìa piö a leà sö dala scagna! Mi piacciono questi mischiotti qua: la gente che conosce strabene Bepi & The Prismas insieme a chi li vede per la prima volta. La scalèta l'ìa 'mpó particulàr (mai öna stèsa a chèl'otra). Al ma fàcc piasér edì che ol Kevin-Bobo l'è amò 'n furma e pò a mé só amò 'n furma visto che o cargàt l'Animal in gròpa sö "Sö e zo töta nòcc" e lo anche menàt in giro per ol palco. Sö "Moto Gussi R&R" 'nvece ol balù al la ciapàt ol Valerio de Romà. Parole...ehm...beh...improvvisate eco, però carica öna cifra dal bù! Brao Valerio. Rock'n'roll!!! Grassie a tutta l'Organissassione della Festa (però i ga mia lagàt zügà a balù 'n dol tendù che 'n sìa dré a diertìs öna cifra! :-)).

20/09/2009

VERTOVA - La Büsa (Baita Mistri - Monte Cavlera) h. 15.00 5° BEPIRADUNO

Oooh! Ma quanto bello è stato questo 5° Bepiraduno? Ol disco nöf go tròp de fal in dol 2009 perchè st'an, porco Giuda, i ma à pròpe töce bé! :-) I ciamàa acqua, il concerto era stato davvero pochissimo pubblicissato (pòta, ma la tràcc insèma doma ala fì), il mio esperimento, poi, era di fare una cosa very easy & free...'nsoma, per dila ciara, al püdìa anche gnì fò öna ciofeca incredibile! E 'nvece tròp bèl! La mattina alle 9.30 giù a Vertova ben 23 partenti alla Strabepi (an pensàa gnè de fala visto 'l tép). 7 km di sentiero e un sorprendente Giuliano Costa Ulpì che 'l rìa prim (insèma a mé, ala Dani e al Paolo G de la 3 Faggi). Secondi i cenatesi Molly, Fabio col pacherista e tèrsi la Laura e l'Alberto (Arsen, giöst?). Öna olta 'n sima, con una splendida giornata a fare da splendida cornice, il punto-ristoro di Jagger (grassie Diego e Ivana!), ön'atmosfera indescrivibile, da montagna digherès, ü concèrt dal bù fò de biglia, con qualche centinaio di spettatori, con Prismas nuovi e vecchi a fa dét de töt, con gli ospiti pronti a suonare sui "soliti" brani (ma pò a söl rèst) e, incredibile, mega temporalozzo sgrolloso che...quando arriva? Non appena io dico: "Bepi and the Priiiiii smaaaaaasssss" (sö l'ültima nota in pratica). Si smonta, si caricano le macchine e poi ancora lì, al caldo, per la cena: öna pastasöcia, vì ros, grapa, sènsa parsimonia...zét ciòca, zét che la grégna, le premiassioni "rustiche" della Strabepi. Bello...öt dì cusè de piö? Talmente semplice da essere insuperabile. Grassie davvero davvero davvero di cuore ai Prismas e al Dolcetto per il loro spirito cameratesco, agli ex Prismas (Mauro Set Carico, Luisa Contadinella Ucraina e Simù de Milà), alla loro umiltà e alla loro voglia di giocare, agli ospiti musicisti e non (Marco "viulì" Lorenzi, Doctor Faust, Paolo G...) pronti sempre a dimostrare che la loro è passione vera, al Leo de Cavlera, grande e brillante padrone di casa (oltre che cantante), ala sò famèa (bràa Valentina 'n cüsìna) e ai sò soci chi ga dàcc öna mà co' la Strabepi e pò amò grassie, come sèmper, ai bepifans, ai sò strisciù e ala sò òia de diertìs e de molà mai. L'è gnìt sö 'n Cavlera pò al Sìndech de Erfa: l'avrà ést dal bù ü laùr sìmpatech, giöst, so mia come dì...E adès sircóm de truàs amò per ol sèst! :-)

19/09/2009

MANDELLO DEL LARIO - Motodiprotesta Guzzi (ospiti per 4 canzoni)

Seràda dal bù da regurdà chèla de Mandèl! Ci aspettavamo un po' di gente sì, ma mia ü mega moto-raduno 'n miniadüra. 1600 moto le moto arrivate, zét da töta Europa, un'atmosfera unica, tutta naturalmente all'insegna dell'aquila di Mandello del Lario! Nóter ma tecàt ai 22 e argot, dopo i filmati e dopo un'intera giornata di inissiative ed eventi legati ala Gussi e all'assione per fare in modo che non venga spostata da lì. An ga dis ü mega grassie ala Traintime Blues Band che la ga permetìt de dorvà töta la sò ròba! Inissio con "Pirlies" come saund-cèch, ma s'vèt che la 'ndàa zamò bé perchè gh'ìa lé strapié! E alura, visto c'an sìa lé, via: "Kentucky" tat de scoldà i mutùr, "Moto Gussi R&R" nel delirio generale e "Co de goma/Bepi Jouer/Coston Beach" in sequènsa. Mesurèta de adrenalina pura, su un palco stra-semplice, coi lüci al neon tipo garàs, ma con una splendida cornice (e parle mia doma dol lach) e con una grande soddisfassione, per il fine dell'inissiativa, ma anche per esser riuscito finalmente a cantare "A Mandèl gh'è nebbiulina..." proprio lì, a pochi metri dala Moto Guzzi, davanti a centinaia di persone per cui la Gussi l'è la Gussi e gh'è mia ü perchè (ma convinti fés i tipi!)...zét che l'è gnìda zo da chisà 'ndóe, sota l'acqua, co' la tenda, per dì: "Mé ga so!". Grassie al Comune e al Moto Gussi Club di Mandello e un grandissimo grassie ai Prismas e al Dolcetto, che non hanno la Gussi come me (Dolci l'è dré amò a menàla sö co' la Morini!), ma si sono sentiti lo stesso coinvolti e, sènsa ciapanne gnà ü, i a ülìt isga stès e 'n pöl pròpe mia dì che 'n sè mia diertìcc.

18/09/2009

BRENO - Festa di fine estate (Bar Upupa)

Tutto sommato la seràda a Bré a l'Upupa la possiamo archiviare come positiva, yes! Ol tép dol dopolmesdé al prumetìà nént de bù e la situassione, a lièl tecnico disóm, non ci lasciava per nulla convinti. Ala fì, decidìt de sunà stès (ogne tat ma la rés-cia pròpe però, a pensàga sö bé), an sè stàcc fürtünàcc perchè i prime gutìne i è riàde ala fì de "Co de goma", quindi quando ormai m'ìa finìt. In principio esibissione "fò de melù" dei Dukov (Alessandro Ducoli e Andrej Kutov) e jam-session con Bepi & The Prismas (s'dìs issé no?) sö "Il soldato dell'amore" del Ducoli e sö "Motocross" in versiù ibrida BG-ITA. Ol Sandrù l'è sèmper piö 'n aria, ma anche sèmper in furma! A propóset de furma: ga so anche riàt a cunvincì amò ol mitico Filippo (o Filiberto) Pastorelli a caà fò la maglia sö "Moto Gussi R&R". Un èss campione italiano di body-building che 'l sa manté amò mia mal ah? L'è stàcc bèl iér edì amò tata zét che edìe mia da ü tòc (i ma dìcc che 'l ghìa pò al Marco di Pa e Ansia 'n dol pubblico)! Ol concèrt l'è stàcc anche bèl carico, probabilmente anche perchè, con mia pròpe tròp tanta zét denàcc, to 'ndé 'mpó piö a "briglie sciolte". Pròpe come ol Beppe de Gandòss, lesto a brancar la palla rotolante e a venir sul palco a cantare (benissimo) "Falco Saoldèl". Comunque ripeto: viste le premesse, lecàs zo i dìcc dal bù...Un grosso grassie va al Dolcetto che 'l ga sistemàt töt ol camerì coi sò teli, al Giovanni, titolare del Bar Upupa, che ci è venuto incontro in tante cose rendendosi disponibile (speróm che 'l ga ciàme amò l'an che é e che 'l palco al sabe dal bù anti-sgrollo), al Federico "Abdou" Putelli intermediario e ai ragassi della Sound Service di Castel Rozzone, sempre pronti a sbattersi. Natüralmént pò ol grassie piö gròs a töcc i bepifans fò de biglia che ogne olta i sa fa öna marea de km per gnì a edìga depertöt.

12/09/2009

BERGAMO - Piazza Vittorio Veneto (On the road 2009)

Veramente carne al föch tanta a Bèrghem ol 12/09! La ghìa mia doma la seràda finàl de "Ragazzi on the road 2009", ma anche l'anticipassiù dela 33° Strabergamo, la presènsa della Autorità e poi musicisti, giochi, intrattenimenti vari...anche tròpa ròba digherès, considerato che il service l'ìa pò doma ü (chèl dol Peliciöl) e 'l palco ü "normàl" 8 x 6m, 'n do ca ta pö mia 'nventàs ol spassio che 'l gh'è mia! Qualche noia tecnica, quindi, c'è stata, però ala fì la mia 'nflüìt piö de tat e 'l nòst concèrt, tecàt ai 22.00 perchè l'Invernici prima de noter al la teàa fò piö (pòta Alessandro...dì de no!), l'è filàt vià liscio fina ala mesanòcc, quando, causa forsa maggiore, ma düsìt fermàs (un po' di roba l'abbiam tagliata: fa cusè). L'atmosfera in centro città l'è sèmper magica, gh'è negót de dì: per chi chi suna i è sudisfassiù. Piö centro de 'ssé a s'mör! Zét tanta, tempo buono (e l'ìa pò ura...parlo di Bergamo neh!)e, ala fì, töcc soddisfatti dai! Direi davvero carino il maxi-schermo che 'n gh'ìa ai spale. Non credevo l'avremmo usato, ma quando i ma dicc che s'püdìa mia tirà sö ol nòst fondàl, o tràcc fò la ciaetìna USB dal portafòi con sö di foto 2009 de Bepi & The Prismas e forse l'è stàcc mèi 'ssé che i a facc la sò figüra! Bràa la Sara de Cavralba a brancà 'l balù (palesemente aiutata da 27 persone, però) e a gnì söl palco a fa "La Festa": bisogna sempre ricordare che le tonalità maschili son diverse da quelle femminili, quindi per lure l'è piö malfà! Grassie mille all'Alessandro Invernici, al Massimiliano Pezzoni e a töcc i bepifans che, come sèmper, i sa fa notà alà, öh si sa fa notà! :-)

04/09/2009

PONTOGLIO - Festa dell'Oratorio

St'an la ga à bé quase sèmper dai! A parte il mega-incolonnamento del pomeriggio in autostrada (du ure fermo) per fa öna brachìna de km, la giurnàda a Pontòi, ala Festa de l'uratòre, l'è 'ndàcia benone! Ol tép l'è stàcc sö bé (la matìna al piüìa), la zét l'ìa tanta e ol concèrt l'è stàcc bèl lónch e bèl càrech! Partènsa rockettosa con "Moto Gussi R&R" e finàl mega-gnèch con töce i piö catìe o quase öna 'dré a l'otra! In mès de töt e de ògne come sèmper. Avevo promesso che avrei fatto i salti su "Coston Beach", ma...pota, ma so desmentegàt (e pruà a regordàmlo no?). Pace. Complimenti al Tarci de Butisì che, anche se La Erika l'ìa mia pròpe la sò preferìda, la ciapàt ol balù e 'l sè 'mpegnàt istès. Considerato che sul palco (egli) non si sentiva, l'è stàcc anche tròp intunàt. Da risentire! :-). Da risentire anche l'esperimento tentato (con risultati discreti) a metà concerto de faga cantà ala zét ü tuchelì de öna ròba nöa e strana che la ga servirà in futuro (capirete poi). An proa amò pò a Bèrghem (staolta però an proa a fala 'n sol invece che 'n do). 'N dol muntù finàl a so restàt sota mé. Il Guidone ha già negato la disponibilità per le prossime date! Grassie mille al Gigi de Pontòi e a tutto lo staff della festa (compliméncc per la cüsìna, nel senso di cucina non di parente), grassie ai ragassi della Audio&Luci, gentilissimi e disponibilissimi e grassie alle solite mega-lanciatrici di biancheria intima (ormai sömèe öna bancarèla).

29/08/2009

CLUSONE - Inaugurazione Piazza Manzù (nuovo complesso Angelo Maj

Nént de dì. Coma ma sa lamentàe (e anche pesantemente) quando l'an pasàt an ciapàa scargiölàde de acqua tötùra, issé st'an go de ametì che 'n ga pròpe öna bèla fürtüna (fin'adès almeno)! Pò a Clüsù la tacàt a piöf 10 menücc dopo la fì dol concèrt! 2 ure e 45' (an sè dré a rià a Springsteen) e davvero tanta carne al fuoco. L'inaugurassione, innansitutto, alle 20.15 della nuova Piassa Manzù col Vescof, ol Sìndech e töce i autorità. Durante 'l concèrt an ga üt la graditissima presènsa sul palco del Elia Merelli, cantautore popolare, che la cantàt "In Val Seriana" e "Clüsù", due suoi cavalli di battaglia degli anni '80. Bravi bepifans ad accoglierlo col solito calore, nonostante non facesse cose alle quali siete abituati. Lü l'è stàcc dal bù cuntét, credìm! In seguito è rampato su sul palco anche il super-skyrunner-clusonese Mario Polèt e...ma sé! An ga picàt zo amò "Erba e néf" che, non essendo ancora finita per bene del tutto, la cambia 'mpó töce i olte ma s-ciao! L'intelaiatura la gh'è: la seterì pò bé söl disco nöf! Brano-blù "Pirlies" eseguito con fare da vero rapper (al gh'ìa ü concètto melodico töt sò, ma anche sensato direi) dol Mirko de Sàbe. Non era una cansone delle più facili e lui se l'è cavata strabene. Gadgets e balù a iosa regalàcc dal Merlèt Casalinghi lé denàcc e ala fì töcc cuntécc dai! Öna bèla seràda, negot de dì, a parte qualche problemino costante al ricevitore audio (tra 'mpó seteró dét i Carabiniér dela Radiomobile!). Grassie mille alla Pirelli Agency sponsor dèla seràda e al Cümü de Clüsù.

23/08/2009

BERGAMO - Piazza Vecchia (serata acustica a tema insieme a Luciano Ravasio organizzata dal Ducato di Piazza Pontida)

Seràda diferénta e dol sigür gnìda fò bé chèla 'n Piassa Egia 'n cità olta! Il taglio era tranquillo, quase "intellettuale" disóm. D'obbligo quindi un set "acustico" con i soli Animale da Cortile e Còchet Coscrét insèma a mé söl palco. L'assensa del tetto, poi, imponeva strumenti veloci de menà vià se per caso al füdès riàt ü stretép. Tutto ok anche dal punto di vista meteo, invece. Al fàa anche culdì e la seràda l'è stacia piacevole dal bù. An sa alternàa söl palco noter e ol gruppo de Luciano Ravasio, denàcc a tata zét, a cuminsà dal Duca di Piazza Pontida Lìber I e sò moér, zét de töcc i tipi e naturalmente i sempre presenti bepifans, sparpagliati un po' ovunque, ma riconoscibilissimi (l'ìa bèl a 'ssé!). A presentare il bravo Francesco Brighenti (nisü 'l ga dìcc grassie iér...)e, dopo qualche cansone a tema libero, diverse tematiche affrontate: 1 - BG e la sua gente, 2 - BG e la città, 3 - BG e la pianura, 4 - BG e la montagna, 5 - BG e la sua squadra, 6 - BG e il lavoro. Gran finàl töcc insèma con "L'è de 'Lbì", "Coston Beach" e "Noter de Bèrghem". Una serata tranquilla, ma emozionante, anche per lo splendido contesto: dol sigür argü l'avrà cambiàt idea, sia sö de mé che söl Ravasio. Grassie al Ducato di Piassa Pontida (semplice, ma toccante il discorso del Duca su Bergamo), grassie a chi dol furgù chi ga menàt in sö e grassie ala Lisa, murusa de l'Animal, che iér la fàcc de mangià du olte (l'ültima ai 3 de nòcc) per nóter trì maiatóncc famàcc 'sversàcc!

21/08/2009

MALPAGA (Cavernago) - Sagra dei due castelli Presentazione CD "Bù come 'l pà" (Compilation orobica dialettale)

Dopo ü pér de sètmane de inattività an sè turnàcc "col botto" perchè a Malpaga l'è stacia dal bù öna super-seràda! Si presentava la compilation orobica dialettale "Bù come 'l pà", ideata dall'Avv. Isacco Sacco (cantante dei Manowal), con un fine benefico (si aiutavano le missioni dei Frati della Basella di Urgnano). Ebbene: crède che piö de 450 CD endìcc in d'öna sira al sabe dal bù ü grant risültàt! Il CD continuerà ad essere a disposissione al nostro banchettino, comunque, anche ai nostri prossimi concerti e 'l rientrerà 'n de l'offerta che vedete ala pagina Bancarèla. De zét ga n'ìa öna jerla, prima di noi l'inossidabile Osvaldo Ardenghi e la tombola (l'ìa per chèl che 'n partìa mia...). Grande ingresso sö l'Apecar töt tuningzàt (sirchì mò 'sta parola 'n dol disionàre) dal Giurgiù atalantino coi culùr dèla Dea e i scritte di cansù dol Bepi (grassie Giurgiù!). L'è stacia l'ucasiù per sentì amò "Per l'Atalanta". A seguire grandi coreografie, come sèmper, di bepifans (grassie Giuliano e grassie töcc!), ottima permormàns dèla Michela de Bùren sö "Remigio" (carica la pina!), grande calura (lamentónsa mia che 'n sè sèmper a tép a ìga frècc) e tutto, direi, perfettamente riuscito. Graditissima visita nel backstage del Bòcia, ol Lapide e ol Giorgio Ultras söl Sère (insèma al Giurgiù palpamarènde). Evidentemente mia töcc gnè de lur i la pensa ala stèsa manéra! Grassie naturalmente a töta l'urganisassiù dèla Festa, ai Frà e soprattutto a l'Isacco Sacco aocàt dol diàol che, come ho detto dal palco, l'è 'n tipo particulàr ed "eccentrico" disóm, ma che ha dimostrato di tenere enormemente a questo progetto: senza di lui né il concerto né la compilation ci sarebbero stati. A s'pöl sèmper migliurà, ma partì l'è la roba piö dificile. Ringrassio anche il pressioso Dolcetto che iér, 'n dol casòt, ma so desmentegàt.

08/08/2009

SERINA - Discoteca Snoopy

Seràda mia tra i piö "pupuluse" chèla al Snoopy de Serina (attenuanti: i 5 euri de ingrès, la posissiù de Serina sö la cartina e ol periodo de ferie), ma comunque 'mpó de zét la gh'ìa dai! In chi casi ché la seràda la diènta piö intima, disom, e magare an sa laga 'mpó piö 'ndà ala ciciaràda o al fuori programma (un paio in corso d'opera: "Pase zo" e "I boröle de Tone" i era mia previste 'n prensépe). Ala fì l'atmosfera (e mia doma chèla) l'ìa chèla stracolda de töcc i concèrcc. Bràa la Roberta de Tèren a fa zo "Fa festa" come brano-balù (col Còchet in versione incornatore alla Inzaghi dei tempi d'oro). Ala fì töt bé, 'nsóma, eccession fatta per quei 3 poveracci pseudo ultras (pseudo perchè statisticamente i pöl mia ìs töcc issé dom!) che i è gnìcc a rumpì i tole dopo 'l concèrt coi solite frasi farneticanti. Brao e töt mé, ma adès so 'mpó stöf de düsì rendì cünt tötùra a töcc i màrter chi pöl riàm de pröf eh... Qualcuno avrà notato, inoltre, un certo mio disappunto sö "Pase zo". So mia Morricone che 'l pöl pretènt ol silensio (i contesti 'n do c'an suna i è "liberi" e 'l so), ma vi assicuro che non è facile né cantare né tantomeno parlare quando la gente fa così tanto bordello (anche la distrassione l'è 1000 olte piö facile). Ol rock gréf al gavrès de ìs öna scelta, mia öna necessità per riàga a fàs sènt! Comunque, tutto sommato, bèla seràda: o ést tata zét cuntéta e nóter, quando che 'n ga rìa a migliuràga la giurnàda a argü, an sè sèmper stradelà de sudisfàcc. Adès per impó an posa ü falì!

07/08/2009

MAZZOLENI DI S.OMOBONO - Festa della Comunità

Data particulàr e carica chèla de Mazzoleni de Sant'Imbù! Magare gh'ìa ü tèrs dèla zét de Ös, però, pròpe per chèl, magare, to sa làset indà ü falinì de piö a fa argót che, con 3000 persune denàcc, to farèset mia. L'è gnìt fò ü concèrt molto free, mia come scalèta, rispetàda fedelmente, però pié de siparietti mia previsti. L'è sèmper bèl quando an sa dièrt fés söl palco perchè la grignaröla to g'la pàset söbet pò ala zét denàcc. Ciciaràda facile 'nsoma! Bèla decisa la Sonia de Boltér, brancatrice dol balù, che sembrava intimidita e 'nvece sö "Cosa ga dét dré ai terù?" la tràcc fò öna supergrinta! Bràa! Ala fì amò 2 ure e 36' menücc e cumplimèncc di urganisadùr "per l'impegno"...grassie a oter! A nóter la pagnòta al ga piàs a guadagnàsla e speriamo che qualcosa per la nuova scuola materna sia stato tirato su! Grassie mille anche alle "cameriere" e alle "tortaiole" supergentili: speróm de turnà prèst a truà la Al Imagna!

05/08/2009

OSIO SOTTO - Festa del Patrono (S.Donato)

Che gran bèla seradùna ca l'è stàcia chèla de Ös Sóta! Soprattutto se 'l Sìndech al vé pò a dìm che i sólecc spacabale de turno i gh'ìa de dì sö "la scelta culturale del 5 agosto". La "scelta culturale del 5 agosto", insèma ala bèla curnìs dèla piàsa, al laorà scrupulùs dol sèrvis e ala temperadüra gradevolissimamente estiva, la purtàt in da piàsa Giovanni XXIII de Ös almeno 3000 persùne che per 2 ure e 37' parrebbero essersi anche parecchio divertite! L'ìa 'mpó ca edìe mìa scene dol gèner, co' la zét infina 'n banda e fò de dré al palco (ederài cusè?). La scaletta l'ìa "tranquilla" come cansù (da piàsa disóm), ma ugualmente carica: "Bigio BG" che la rìa mia tat de spès, ol Guido Poni col tuba che 'l fàa i nömer sö i cansù adatte (pò a "L'uva fogarina" la fàcc...:-)), ol discorsèt sö S.Remo, Studio Aperto e töt ol rèst...Bellissimo poi ol brano balù, col balù rós che la giràt tri quarcc d'ura prima de fermàs in di ma dèla Chiara, s-cetìna bionda de Carvensà che sö "Gioanì Banana" l'ìa 'mpó 'ntimidìda (ma ghìf presént quace la ga n'ìa denàcc?), ma davvero brava e dolcissima. La ma fàcc grignà 'n fónta, quando la dìcc "Laaaaa viperaaaaa" e la ma fregàt! :-)). Grassie a tutta l'Amministrassione Comunale (gentilissimi anche nell'ospitarci in Municipio), ai ragassi del sèrvis (bresà...avrai dìcc cusè a èt certe scene?) e al Tone fotografo che la immortalàt töt ala granda!

02/08/2009

DONICO DELLA PRESOLANA (Castione) - Orobie Skyraid 2009 (h. 17.00!!) Visita il sito della manifestazione!

Bela dal bù la festa-concerto ala Presulàna! Inissiata male con l'annullamento per grandine dela gara vera de l'Orobie Skyraid (ai 5.30 de matìna), a sentì i previsiù la gh'ìa de finì a sidelàde. 'Nvece l'è stacia öna giurnàda strapositiva e l'acqua l'è riàda quando oramai l'ìa finìt töt! Al Donico al gh'ìa sö ü bèl macèl. La gara l'ìa "ridotta" ma doma per modo de dì e gli atleti per un bel po' di ore han dato spettacolo. Noter ma tecàt ai 17.30 e ol concèrt diurno, co' la Presolana come sfónt e i piste da sci denàcc l'ìa del bù argot de ünech! Tutto bello, tutto bene fino alla sorpresa de metà scalèta: "Erba e néf", pèsso che finirà nel cd nuovo, dedicàt a Mario Polèt (detentore del record: 8h 52' e 31"), col Mario Polèt ignaro denàcc a nóter. Öna sopresa preparata da mesi e per mesi, ma che poteva finire così così per un nonnulla e 'nvece l'è stàcc bèl a èt la meraviglia dèla zét e quat che 'l Mario al sa tüdìa zo 'ntàt che li scultàa la cansù! La versiù l'ìa "nüda", ma la grinta la gh'ìa e per de piö ma fàcc gnà ön erurì! Ala fì an sè 'ndàcc vèrs a ü finàl sèmper piö rock, "Bepifans" brano-balù facia zo col Paolo de Bèrghem (e 'l Bepi tra i fans) che 'l ga de piasìga öna cifra a töcc perchè i ga usàa sö töcc: "Sognoooo"... e ai 20.00 töcc a séna! L'è bèl pò a 'ssé: a finì 'mpó prima! Denàcc a nóter tance fans aficionados, ma anche tata zét nöa. Col ciàr l'è bèl anche per chèl: to ardet i ghégne chi fa e come i reagés. L'è sèmper öna proa e quando ta sa niscórset che to la süperet to rìet in camerì stracuntét! Grassie a Mario e a töta l sò squadra, grassie ala Protessione Civile (alcuni erano gli stessi di Monticchio), grassie a Öli e Danilo rasgapaghér in prensépe e grassie al Daniele Belotti che 'l ma definìt "Il miglior cantante del pianeta!"!

01/08/2009

FILAGO - Fermi Racing Fest

A Filàch (sarà giöst scriìt issé? Per mé sé!) l'è stacia öna bèla seràda colda! An riàa pèr la tèrsa olta de fila e amò 'na ölta an ga de dì che denàcc an gh'ìa pròpe öna bèla jerlòta de persune! Un po' la festa bella (a s'màia dal bù in manéra superba!), un po' la posissione, un po' il tempo bello...pòta, nént de dì: bella storia! Palcone stramega, impiantone potente (anche se non appeso). La scalèta l'è stacia abastànsa motociclistica disóm , ma sènsa calcà la mà come a Crema. Ottimo il Marco de Brembàt a cantà prima e a fa 'l Carabiniér dopo sö "I du camios": brao pò a come 'mprovisassiù! Ol rèst l'è stàcc ol "sólet" concèrt tràcc al massimo, sènsa risparmio alcuno de energie e con 4 lìter de südùr perdìcc. Grassie all'Emanuele urganìsadùr (ma i casére gi avrà catàde fò lü? :-)), ala Stefy e a töcc i sò soci dèla Festa!

26/07/2009

CREMA - Podere d'Ombriano (1° Raduno Black Bulldog) VISITA IL SITO DELLA MANIFESTAZIONE!

Digherès che 'l nòst varo a Crema (confine davvero importante per noi) l'è 'ndàcc bé! Ma fide dèla nòsta sensassiù e di parole dol Gian Maria urganisadùr ca l'ìa töt cuntét! Spettatori un migliaio circa, in un posto che per impienirlo su ce ne vorrebbero almeno cinque volte tanto, ma reassioni positive everywhere! I bepifans dol sigür i ga metìt dol sò, con un sacco di coreografie che, insieme ad altre cose, lasciano sempre basiti che non li conosce e non conosce Bepi & The Prismas! Staólta de nöf i gh'ìa i cör de cartù su ognuno dei quali i gh'ìa scriìcc i nòm de trì paìs tra quelli degli iscritti al Bepi Berghem Fans Club. Su tutti troneggiava un cuorone piö gròs. Bèl! Come sèmper grassie al Giuliano, ma anche a töcc chi chi ga dà öna mà! La scalèta l'ìa, probabilmente, la piö carica dèla storia de Bepi & The Prismas: a parte "Cristiano Doni" e "Ol citofono" (fatta, però, al soundcheck) pènse che töcc i cansù piö catìe che 'n ga 'n repertorio i gh'ìa! Inissio ovviamente con "Moto Gussi R&R" con tanto di casco nuovo tutto pelloso e personalissato regalatomi dai Black Bulldog de Crema, "Motocross" con maglia da fuoristradista, "Sö e zo töta nòcc" (brano balù) fatta giù col bravissimo Giacomo de Treì che fin' adès l'è stàcc ol piö zùen ospite (bel carico: al sa tüdìa zo quando la fàcc ol solo insèma a L'Animale da cortile!). Sforàde amò i du ure e 35 de spetàcol, ma ne è valsa la pena, dai! Chi che 'l ga cunusìa mia l'è restàt dol bù flèsciàt! Mi spiace non aver firmato gli autografi alla fine, ma i urganisadùr i ma sequestràt (i gh'ìa lé anche i super-bikers de Cremuna, supervisori del tutto) e, giustamente, so 'ndàcc fò a cunusìi e a bìf ol cafè 'nsèma.

23/07/2009

UBIALE CLANEZZO - Festa dello Sport

Seràda cólda (mèi) a Übiàl per la nostra prima e forse unica data 2009 in Valbrembana (chèl del 08/08 a Serina mé la cunsidererès Val Serina)! La Festa dello Sport, che già ci ospitò nel 2006, l'è turnàda a ciamà Bepi & The Prismas e nóter ma respundìt mèi c'an püdìa. I tendù i è mai ol top del top per l'acustica, ma ol Simù Sèrvis la dìcc che chèsto ché al ga stàa amò dét dai. Inissio "maoso" con d'ü quàrt d'ura de ritàrt (pòta, la gh'ìa la röda che la gh'ìa de finì i sò gir) ed ennesima scaletta inedita (sti' aténcc che 'nnè mai stacia öna stèsa a ön'otra!). Brano balù staólta afidàt a chi c'al gnìa da piö de lóns. Difficile stabilirlo con esattèssa (chèl de Ventimiglia saràt burlàt lé o l'ìa pròpe lé apòsta per ol concèrt?). Fatto sta che de zét che l'ìa facc öna barca de km la ga n'ìa tanta, ma tanta! Ala fì söl palco l'è gnìda a cantà "Remigio" (mé rèste ü bergamàsch!) l'Alessandra de Novara (vedi La Vostra Posta): 'co Giuda, la ga sìa chèla e pò a chi otre! Bràa Alessandra! Mega balù riàt söl palco da chi de Stròsa (bèl!), assolone mega slapposo del Bobo sö "L'ambülatòre" e finàl sèmper piö disperàt che piö südàt s'pöl mia (grondàe come öna funtanina, anse come öna cogoma se smursì mia ol gas). Grassie a Emil e a töcc chi dèla fèsta de Übiàl e grassie a töcc i bepifans che prima, durante, dopo ecc. i ga regala de töt (iér turte, limoncelli, capèi de cau boi, sgargì de tecà vià 'n machina, regipècc...). Magare al ma pasa de mént e fó anche di figüre! :-)

18/07/2009

COVO - Piazza S.S. Apostoli (Luglio Covese)

Porco Giuda, sìf ca lo 'mbrocàda dal bù söi gradi? 2 agn fa 31 °C, l'an pasàt 24 °C e staolta ma tecàt sé con 24, ma ma finìt con 19 °C (quando so 'ndàcc a ca mé almeno). Cof al té bé söl tép, ma la temperadüra la à a calà! Comunque sia bèl concèrt dai! La piàsa S.S. Apostoli la sa prèsta perchè la fa öna specie de catino natüràl e, anche a essere all'aperto, al ta sömèa quase de ìs sota a ü tendù. Ol concèrt l'è tecàt col Bepi, estìt de magnaccione nìgher, in arrivo a bordo di un Audi TT spider, mèssa gentilmente a disposissione dal proprietario alla guida. Dopo mia tat l'è stàcc ol turno dol balù (de cuoio, bèl regolamentàr) ciapàt in dol pubblico da...ön albanés: Eddy Tufa. Gh'è de dì che 'l sè mia tràcc indré e l'è gnìt söl palco a cantà (odìo, cantà...) "L'ambülatore". La 'mbrocàt öna parola sö 30 però al sè 'mpegnàt dai! :-) Sorpresona poi sö "Mao 'll'ümidità" swing: Franco Bigoni e Miriam Poli (Scuola di ballo Mery di Vertova) i à balàt ol boogie e i sè pò ripetìcc sö "Suoneria piacevole e a ufo" e "Coston Beach". Brai e sensuali, anse "dolci e sensuali"! L'ìe dìcc mé che ga la edìe la cansù lé balàda a boogie! Ala fì, 'nsoma, töt bé. Covo deve essere veramente contenta di avere gente in Comune (ol sciur Asperti in primis) che la sa sbàt a chèla manéra ché per daga lustro al paìs. I à facc dal bù de töt per trà 'nsèma öna bèla seràda e mé crède che i ga sabe riàcc ala granda. Sbaglie? Grassie anche alla Protessione Civile, ai Alpini, ala Volkswagen e naturalmente a tutti i numerosissimi be-pi-faaaanssss!

15/07/2009

SUISIO - Summer Fest Guarda il sito della manifestazione !

An riàa per la prima olta a Süìs e francamente è stata una gran prima volta. A spetàga ma truàt öna bèla festùna (la Summer Fest) tracia 'nsèma strabé e ü mega impiantù nöf de pàca by Peliciöl con d'ü gran palcòt! A dìla töta ma truàt anche ü sòfech de mör, ma mé ma sa lamènte mia perchè finalmente go üt öna giurnàda 'ntréga estiva dal bù! Sé, l'è éra, a's'süda, ma öt mèt che bèla sensassiù? Ol concèrt l'è tecàt stort ala granda con töcc i Prismas al pòst isbagliàt (vedi foto), ma subito redarguiti dall'inflessibile r moscia de chèl di "Boröle de Tone". Inissio carichissimo e poi lentamente ad adagiarsi su tappeti country/balladosi (ol critico d'arte ghìe de fa, mia ol cantante!) e guizzo finale con Moto Gussi R&R (presenti anche gli amici di Anima Guzzista) e Co de goma sèmper piö delirante . In mèsso i ringrassiamenti ala Sentinella (200° concerto di B&P), la permormance dol Santino Barià (söl Gir di coregn brano-balù: bene, bravo, 7+...al fa pò a rima!), ancora striscioni e coreografie made in Costa Ulpì (ma sa stöferàl mai ol Giuliano de trafegà?) e le solite ròbe bepose. A forsa de ciapà completini intimi o dervìt fò öna bancarèla al mercàt! L'ìa mercoldé. An sa spetàa mia 'ssé tance persune! Mèi 'ssé. La festa le meritava tutte. Grassie al Mirco e a töcc i sò soci.

12/07/2009

GROMO - Piazzale Alpini (Festa Croce Blu) Ospiti i Longobardeath direttamente da Varese!

A l'ìa 'mpó c'an turnàa piö a Grom. Anse, a dila töta, gavrès de scrìf "turnàe", perchè la prima olta, 'n dol 2004, i Prismas i gh'ìa mia, ma sìe lé con Radio Antenna 2! Dopo 5 agn, ala Festa dela Croce Blu, al ma fàcc ü bèl efèt truàm in chèl tendù lé! Come previsto la presènsa dei villegianti è stata utile più per le casse a l'ura de zéna che per ol rèst perchè dopo du o trì cansù (fa cusè: i ga mia vint'agn gnà lur...vedi "L'è sa l'estàt")i è 'ndàcc a baita. Chi che i è restàcc però, anche se i era mia miér, i era stracarichi anche perchè probabilmente i sentìa l'aria de trasferta 'n montagna (de fò ga sarà stàcc 12 gradi!). E alura concerto ipermegavariegato con "Massimo Carrera" in principio 'nvece che ala fì, accenno di "A me ol latino..." e tace otre laursìne simpatiche. Balù (e Bociasa Pac) finìcc al Luca de Barià che sö "Falco Saoldèl" l'è 'ndàcc vià benone. Pecàt per chèl istrisciù dèla Yamaha che 'l sè tràt dré se no gavrès anche dìcc "brao":-). A metà concèrt 3 (quase 4 dai) cansù di Longobardeath, alfieri de Busto Arsissio, a dà öna bòta de éta a töcc col sò rocketù 'n dialèt milanés! A parte l'inconveniente di pile dol microfono (l'è mia che i gh'ìa mia; l'è chi ma dàa chi zamò morte!) tutto mega liscio e gran finalù pié de energia e südùr! Grassie al sciùr Zucchelli e a töta l'urganisassiù. Sperom de edìssa amò tra 5 agn!

11/07/2009

GRIGNANO (Brembate) - Easy Rider Rock Guarda il sito della manifestazione !

Davvero una bella festa quella tirata insieme dal Manuel e dai sò soci a Grignà! Lodevole l'inissiativa del "tutto biodegradabile" (piàcc, bicér, sachècc...töt) e quella de l'acqua a gratis (ma mia 'n butìglia), ma lodevole anche la scelta dol palcù, dol sèrvis e töt ol rèst che i a trasfurmàt öna frasiù (de Brembàt) in d'öna bèla lochéscion per picà zo di bèi cuncèrcc rock. Finalment ma truàt amò ü camp de balù in erba (tròp bèl a fa du tir prima de tecà a sunà), bel tempo (non caldissimo però) e tata zét. Insomma tutto bene. Söl palco prima la Silvia de Bunàt a fa zo "La Erika" (braa e disinvolta), pò dopo öna squadra de laùr tipi fermenti lattici che i è gnìcc a "controlà" se li 'ndàa töt bé (?). 2 ure e 45' de concèrt (an sa risparmia ah?) e, unico neo, ma tróe crielàt de sansàre (c'ho un bollo in fronte tipo Chiquita)! I casi sono due: o i era lé a Grignà o i ma tendìt in camera stanòcc. A Ruèta i ghè mai stace. Se i è riàde a ché aiuto! Grassie mille al Manuel, a töta la sò squadra e a chi dol sèrvis de Cremuna (ol fonico l'ìa ü neo-guzzista. Brao!)

10/07/2009

TREVIGLIO - Ex Foro Boario (Festa Lega Nord)

E 'nsóma Treì l'è sèmper Treì! Fa un gran piacere suonar lì perchè to ghé sèmper l'impressiù che i sabe 'n tance a spetà ol concèrt. Parle soprattutto de zùen, meno zùen e s-cetorlècc che magare i ga èt mia tat de spès e che, però, a Treì i völ mia mancà! Temperatura decisamente più mite rispetto agli altri anni; 'nfìna a tròp mite forse! Apéna gnìcc de fò 'nfatti al sè 'nviàt là ü vént che, se non mi avessero detto che i ciamàa mia di temporài, avrès infina a pensàt che 'l portàa di stretép (sinceramente lo pensàt istès e per töt ol concèrt, ma s-ciao). Ci soffiava in faccia bello potente (lo si sentiva chiaramente entrare nei microfoni e amplificarsi nelle casse esterne. Al sömeàa che 'l trunàes) e, pòta, 'mpó to sa fé ciapà mal. Invece l'abbiamo scampata e ol concèrt l'è stacc bèl: söl palco ol Giuliano Costa Ulpì (coadiuvato da chi de Romà) a mettere in scena "Fermoposta" coi mega-cartelù , Giorgio Magnocavallo a daga la pesàda al balù nerasurro e, infine, il Christian de Tèren col sò du aste "Mara-Doni" a ciapàl (ol balù) e a cantà pròpe "Cristiano Doni" (tat al la sircàt che 'l gh'è riàt!). Brao Christian: ma piaserès vèt se to ga sé 'ssé bé pò a chi otre cansù! Ala fì 2 ure e 38 de concèrt (mia paia, no?) e gnà öna gota de acqua. Come minimo a Ruèta, 'n dol fratép, l'è gnìt zo de töt! Potendo scegliere quei 10 gradi in più non mi sarebbero dispiaciuti, ma ga so anche che tance i è cuntécc issé (ol Dolci per esèmpe che 'l rés-cia ol colàs töcc i olte che 'n pasa i 22 gradi). Grassie, come sempre, all'Organissassione della Festa (Giussani in primis) e cumpliméncc ai cuochi. Tutto superlativo.

05/07/2009

BUSTO ARSIZIO - III Johnny Fest (ospiti dei Longobardeath) 3 canzoni a metà della loro performance!

Che stória balurda la datina a Busto Arsìssio! An sìa ospiti di Longobardeath, headliner dèla segónda seràda dol III Johnny Fest. An sè riàcc vers ai 6 de sìra e ma truàt öna bèla festina, töta a l'insegna dèla müsica metal. Ü al pödrès pensà de truà lé zét isbalùna 'mpertöt (tipo "La festa") e 'nvece töcc bèi tranquilli ala Comunità Giovanile! De öna banda chi chi zügàa a Beach Voley e de l'otra chi chi pruàa i sò chitarùne gnèche. Dai 7 in 'nacc l'è stàcc ü bordèl (in senso positivo) ünec. Söl palco töce band mia certo da festa dèla poia 'mpienìda (Aeternal Seprium, Brain Dead e Tarchon Fist, oltre natüralmént ai Longobardeath) e situassione in generale direi molto simpatica. Gentili i urganìsadùr, gentili i Longobard a metìga a disposissiù ol sò materiàl per sunà vers ai 23.30. Denàcc a nóter fans sò opportunamente invitati a "fa 'l tifo" per nóter (grassie Mik e grassie fans dol Mik!), ma anche fans nòs-cc riàcc da 'mpó töce i bande (tan-ce anche da fò de Bèrghem: Balàbe, Riólta, Sergnà, Roàt...) e zét de Varés o che la ga cunusìa zamò o ca l'ìa curgiùsa. Tri cansù bèi gnèche ("I boröle de Tone", "Cosa ga det dré ai terù?" e "Moto Gussi R&R") fatte giù con l'ausilio dol Marco di Longobardeath che, per l'ucasiù, al sostitüìa l'Animale da Cortile. Risposta del pubblico molto buona direi. Al ma fàcc ü certo efèt sia a edì la zét che la cantàa certe tòc de cansù che a fa zo di autografi! L'avrès pròpe mai dìcc....a Varés! Unico neo: sarà che la mé ùs l'ìa zamò segnàda dai date precedenti (da l'aria piö che dal sfórs), sarà che mé so mia come 'l fa ol Mik a sentìs dét in chi case spia lé, ma pòta...so completamente afono! Zo làcc e grapa (la mél lo mia truàda 'n da credènsa) e sperom de tràs a bola per venerdé! Grassie ancora ai Longobardeath, ala Johnny Fest e a töcc i fans strinàcc! :-) Grassie pò ai coniugi Jagger che, dopo aver vagato per ore 'n töta la Lombardia ala ricerca de noter, i è riàcc sö l'ültima nota de "Moto Gussi R&R"!!!

04/07/2009

TRIBULINA DI SCANZOROSCIATE - Festa dèla scöla nöa

I seràde come chèla de stasìra i è de chi ca to sa regórdet per töt ol popò de roba che l'è sücedìda e ol ricordo al sarà dol sigür piacevole! I è chi date 'n do ca dal negativo to tìret fò ol strapositivo e to 'ndé i lècc cuntét. Andiamo per ordine. Ore 16.30: an rìa al càmp de Tribülina, colt bestia, sul che li spaca i plòc. Ore 18.00: an fa ol sound-check söl palcù muntàt de fò, ma 'n fónt al ciel al taca a edìs ol nìgher. Ore 19.00: al sa lèa ol vént e 'l taca a piöf. Saliamo sul palco a quarciar giù le ròbe perchè, anche se gh'è 'l tècc, col vènt al vocór a nént. Ore 19.30: ol camerì l'è mia sigür, l'acqua la é zo decisa. An mèt al sigür i laùr in di màchine e 'n va a mangià sota 'l tendù. Ore 20.30: co' la Ramona organissatrice an ga rìa mia a rampànne fò. Al desmèt mia, anse e le possibilità di recuperare la data sono praticamente nulle. Si decide a malincuore per l'annullamento. Domande a chi dol sèrvis se 'n pöderès magare fa öna ròba a 2 o 3 chitàre in acustico sota 'l tendù, ma mi viene risposto che è impossibile montare casse adatte e chi c'an dorva de sólet ormai l'è tròp tarde per spustàle. Amen. Ore 21.00 Simù Sèrvis al rìa de onda e 'l dìs che i a recüperàt ü mülèt e 'ssé, volendo, sbattendosi alla grande e ala svèlta, argutìna ala buna fés s'pödrès anche tràl insèma. Uno sguardo: mé e i Prismas an sa 'ntènt. I cundissiù i ga sarès mia, ma nóter an völ pruàga. Al pàrt argót de incredibile dal bù: öna catena de montaggio che la coinvolge nóter, chi dèla festa, chi dol sèrvis e i bepifans. In pratica un concertone bell'e pronto fuori viene smantellato per rimontarne uno dignitoso sotto la tenda piena de zét. Ore 22.30: sembra incredibile, ma s'pöl partì e, tutto sommato, an pöl praticamente sunà zo bé quase töt. Ol concèrt al ga ol saùr de argót robàt al destino avverso e l'atmosfera l'è strabèla. An fenés a mesanòcc: nessun effetto speciale, pròpe gnà ü, ma allegria e sudisfassiù a brache. Ol Dolcetto in dol ciapà ü laùr in da mé machina al sèra dét i ciàf. Al turna a Ruèta mé pàder per tö i ciàf de scorta e turnà amò ala Tribülina (ormai ai 2.00 pasàde). Grassie papà! E pò dopo grassie a töcc: ai Prismas per vìga credìt, al Checco, ol Simù e ol Baffo per la velocità e la disponibilità con cui han tirato insieme tutto (e chi glielo faceva fare? Loro il loro lavoro l'avevano già fatto: potevano anche dire no), i ragassi dela Festa per averci aiutato con ogni mèsso disponibile (infìna a ü bestiù de Merlo) e infine ai bepifans, pronti ad autotransennarsi e a creare il ponte col palco che ha consentito di "tirar su" un concerto dal nulla in d'ön ura e mèsa! Seràda da regurdà, dol sigür. E comunque basta acqua per piasér!

03/07/2009

DARFO BOARIO TERME - Stadio (To.Bo Festival - Dopo di noi Gigi D'Agostino)

Data dal bù fò dal nurmàl chèla de Darf. Era tutto strano perchè l'evento era sènsa dubbio grosso, tant'è che déter al stadio anche tan-ce persune i sömeàa sèmper poche! Massi schermi, mega palcone...campo di pallone tutto quarciato giù: 'nsóma, mia paia! Siamo rampati fuori alle 21.20 che ghìa amò bèl ciar e denàcc an ghìa mia dol sigür la solita ressa, ma tutto sommato mia gnè poc, considerato che staolta s'pagàa 10 euri per gnì dét! Con l'andar del concerto s'è impienito su di più, fino alle 23.30. Tan-ce dol sigür i riàa per ol Super-dj (co' la cöffia de ór) Gigi D'Agostino che la metìt sö la punzi punzi dopo de nóter, ma indubbiamente öna bèla jerla l'ìa lé per nóter! Un plauso davvero grande va ai due organissatori To.Bo (Tore/Bonaldi): giovanissimi, ma davveri caparbi e urganisàcc i quali, forse, hanno avuto il solo difetto di sopravvalutare il bacino d'utènsa della Valcamonica (parle di trì seràde con J-Ax, Max Pezzali e la nòsta) composto non certo da miliù de anime! Zét ga nìa, ma öna ròba granda 'ssé la meritàa des volte tat. Brai pò a chi dol mega-sèrvis de Brèssa (gajarda la fonica fonna) e brai chi chi ha muntàt i massischermi (autriaci de Wien...ol mé gilet i la notàt söbet!). Ancora un grosso grassie a Teleboario che ha effettuato le riprese sul palco. L'ültem di grassie l'è per i bepifans chi gh'era. Mé so mia qua-ce cantanti i ga 'ssé tance sostenidùr che i paga 10,00 euri al venerdé per chèl chi pöl vèt magare ol dé dopo a ufo. Speriamo di aver meritato la spesa!

02/07/2009

GAZZANIGA - Campo Sportivo (1° Orobic Fest)

Sìe curgiùs de èt coma la 'ndàa Gagenìga (de giöedé pò!) perchè, si sa, lé l'è Valseriana (media) pura e...nemo proheta in patria al dìs ol detto no? E 'nvece quando ède che anche di mé bande de zét an na rìa tata so cuntét dai...L'Orobic Fest l'ìa de chi feste picinine, trace 'nsèma grassie soprattutto ala tenacia de chi che i la ülìda a töcc i costi, come a töcc i costi i a ülìt Bepi & The Prismas. Picèna, ma belìna. L'atmosfera l'ìa da concerto quase "intimo". Beh, magare mia pròpe "intimo", però èco: an sè capìcc. Scaletta da 2 h e 37' con tance sorprese ad inissiare dal super Guido Poni, M° dèla banda de Gianech, che 'l sè presentàt col sò bàs tuba e la fàcc faville sö 4 cansù, tra cui, per la prima olta 'n dol 2009, "Ol medley de l'estàt". Davvero bello il "rinfòrso" del tuba sul palco! Ol brano balù "Kentucky" 'nvece l'è finìt in di mà del Fabrissio de Bèrghem che 'l sa regordàa mia bé töce i paròle, ma 'l ghìa comunque ol piglio giöst per interpretàla giösta (a parte ol na na na na dol viulì!). Vèrs ala fì pò l'è riàt pò a l'Anselmo barbér urganisadùr a fa la part de Doni sö "Cristiano Doni" e via! Tutto ochéi tutto ochéi al cantàa Albano...Presentassiù final dol Bepi a cura di Bobo A4 che 'ssé li 'mpara a tö 'n gir ol Còchet! Grassie a l'Anselmo e ai ragassi della festa e, come sempre, a tutti i bepifans che i sa ferma gnè denàcc ai chilometri gnè denàcc al tép!

30/06/2009

STEZZANO - Festa Lega Nord

Bèla seràda chèla de Stesà! Bèla seràda dal bù perchè, ala fì, töce i nòste preücüpassiù i è ulàde vià. An ghìa pura per ol tép (e 'nfatti l'acqua ai 6 de sira l'è riàda, anche se mia pròpe a sidèi), ma ala fì an ga sè riàcc a fa ü concerto söcc. An ghìa pura che la gnìes mia tata zét perchè l'ìa martedé e pò l'ìa amò zögn e 'nvece gh'ìa pié strapié! Bella storia davvero. Apéna so rampàt fò dal camerì sö "Mao 'll'ümidità" ga só restàt: porco Giuda quace ca i era! Spettacolo variegatissimo: söl palco il prode ex atalantino Oliviero Gas Garlini a fare il "pallonista" e balù che 'l va finì a ü...bresà (gnac a fal apòsta), per l'esattèssa all'Enrico de Comesà. Prestassione su "Strade 'lla Basa" da dimenticare (e mé che pensàe che la füdès semplice!), ma comunque grande intraprendènsa. Brao Enrico! Di seguito, sempre a propóset de Atalanta, pò al "collaudato" Marcello Ginami fisioterapista che la maiàt vià, come al sólet, la sò part, in questo caso chèla de Doni sö "Cristiano Doni". Altre robe da segnalare? Solo de "Pirlies" robàt da L'Animale al Còchet che se ne riappropriava con la fòrsa e poi, come sempre, le "solite" due ore e mèssa di delirio. Un saluto dal palco al Dolcetto che l'ìa al mar e la mancànsa s'è sentita. Un esempio? Avete notato che il fondale nero dietro non c'era? Ehm...l'ìa 'n màchina, ma...an sè mia niscursìcc (ma che màrter)! Lo ést ai 2.00 de nòcc e o dìcc: "Ada!". Ocio ca rìe... Grassie a tutte le persone della festa, gentili e disponibili. O ést anche ü pér de africà stra-presi bene! E dopo i dìs che 'l Bepi l'è geograficamente limitato! :-))

22/06/2009

URGNANO - Centro Sportivo (Festa Örgnà nel balù)

Niolòtti grigi c'han fatto temere di prender su secchiate d'acqua il pomeriggio e 'nvece ala fì la facc quàter culp de ént e fine e la seràda l'è ulàda vià liscia sö l'erbèta de Örgnà! L'ìa lönedé e la temperadüra l'ìa chèla che l'era (i due principali "nemici"), ma l'affluènsa di pubblico digherès che l'è stacia ü tòc sura i aspettative (i nòste almeno). L'è sèmper bèl a edì quata zét la é fò de cà apòsta per gnì a edìga! Un leggero mal di testa al ma 'mpedìa de rüsà pròpe a töta söi cansù piö catìe, però 'n compenso i laùr piö "sfumati" i ma gnìa fò quase a mèi dol sólet (tipo "Pase zo", ma anche "La mé zènt"). Ol Giuliano (responsabile coreografie dol Fans Club) di nuovo in splendida forma la tràcc fò l'impusìbel dal sò cilindro: supercartelù illustrativo nöf (sö "Remigio"), mao fluttuante coi balunsì sö "Mao 'll'ümidità", bachetìne culuràde sö "Pase zo", mega-scritta "Brao Tiziano" sèmper sö "Pase zo"... Grassie davvero! So mia quace cantanti i pöl dì de ìga di fans issé! Citassione di merito pò a per ol Fabièt de Treì che l'è saltàt sö a desf...ehm...a cantà "Cristiano Doni" (con tempo e melodia persunalisàda). Il povero Còchet, invece, calatosi nella parte del Carabiniere sö "I du camios", an na sentìt sö öna carèta e la dìcc che lü 'lo fa piö! :-). La pròsima olta al fó amò mé e 'n vèt sa ghì amò 'l coràgio de fa i böli! :-). Ala fì du ure e 40 de spetàcol, abastànsa fò di strass digherès, con tanti siparietti improvvisati persino divertenti (tipo quando ol Guidone al sè niscursìt che lü l'ìa dré a lès öna scalèta con di otre cansù). Grassie a töta l'urganisassiù (cucina ottima e pò ai pisse) e complimenti ala "signurina" dol tép che ci aveva assicurato il dissolversi delle nubi e, porco Giuda, la ghìa resù!

21/06/2009

ORIO AL SERIO - Original Bier Fest (Parcheggio Oriocenter)

Pòta, s'pöl pròpe mia dì che l'Elio e l'Aless i faghe mia öna bèla festa quando i tira 'nsèma l'Original Bier Fest (st'an al parcheggio de l'Oriocenter in territorio di Azzano S.Paolo). De zét ga n'ìa tanta, ma tanta fés (cüntài? Boh...3 o 4 méla töcc) e dol sigür l'impatto con d'ü bordèl compàgn l'è sèmper stradilà di mega (l'ìa 'mpó che 'l dorvàe piö ol "stradilà di mega")! Immagine che anche ol Bobo e l'Animale i sabe restàcc flesciàcc! O ést bèl in aria pò al Virgi de Botanüc quando ca l'è gnìt sö a fa "Ol citofono": note giöste gnà öna, ma in compenso carica a manèta e pènse che 'l sabe bèl "dirigì" ü mega-pubblico issé! Nóter come sèmper ma rüsàt fina ala fì, anche se, ovviamente, all'alba delle 0.20 qualcheduno ha preferito andarsene a casa (pòta: l'ìa düminica, mia sàbet!). Fa negót: chi chi rèsta i ga de ìga ü bèl perchè per restà! Grande assolo del Guidone (fischia, sa l'ìa 'n furma) sö "L'ambülatòre" e Prismas tutti in gran spovero, direi. Pecàt che ala fì i abe tecàt a smuntà töt (chi dèla festa, mia i Prismas) e la zét l'abe düsìt indà de fò töta. Se era tutta gente che mi vede spesso, pasiènsa, ma se 'l ghìa argü che dopo al ma ederà piö (succede spesso con i bambini) al ma spiàs. Un saluto al Giurgiù che l'è gnit a truàm in camerì, a chi du màcc de San Pelegrì chi ma tràt ciòc dopo 'l concèrt e un ringrassiamento particolare, oltre che all'Organissassione, al Yonatan fonico israelià.

20/06/2009

ALMENNO SAN BARTOLOMEO - Piazzale Pellicano (Festa della Soldarietà) Ospiti i Longobardeath, direttamente da Varese!

Almèn l'è stacia la classica data dove puoi elencare sfortune e fortune e edì 'l bicér mès pié o mès vöt. Se ragioniamo in negativo an ga de dì che, pòta, l'acqua ai concèrcc bé la fa mai. Se ci fosse stato bello, col caldo e töt, la zét la serès istàcia de piö, l'avrès consömàt piö bira, l'avrès cumpràt piö canottierine e via dicendo...Ma se ragioniamo in positivo, come 'ntènde fa mé, an ga de sutulineà quanto straordinario sia stato avere avuto di fronte, sota l'acuqa apùnto, töta chèla zét che 'n gh'ìa! Sarei curioso di sapere chi avrebbe scommesso su simili cifre e soprattutto quale band (del nòst lièl ovvio, mia i U2 o i Pink Floyd) avrebbe potuto trascinare ala Festa dol Pio piö spettatori. Quindi, per l'ennesima volta, dico grassie a chi non molla mai e ci da sempre quella carica in più, in ogni luogo e con qualunque condissione. I sè niscursìcc de chèla potènsa ché anche i Longobardeath, riàcc dal varesotto come ospiti e super-ringalluzziti dall'affetto di bepifans (i a facc trì cansù bèi gnèche e i a dìcc chi sè truàcc benone). Supermensione anche per ol Luca de Carvensà, abbrancatore del pallone (a dì la erità la facc de töt per fal rià lé) e portentoso esecutore de "I boröle de Tone". Per il resto tutto bene, dai...a parte un fischio scassatole costante sul palco che ma mia capìt da 'ndo 'l riàa e che 'l ma fàa danà. Grassie a tutto lo staff, soprattutto al Pio urganisadùr che l'è la quarta olta che 'l ga ciama e l'è ü gét a doma per chèl!

12/06/2009

TEGLIO - Festa del pesce (e dei pizzoccheri) Guarda il sito della manifestazione!

Uaaa, strabella la data a Teglio 'n Valtelìna! Strabella perchè si partiva sènsa troppe aspettative, essendo un po' fuori dalla nostra zona d'influènsa, e con quello spirito d'avventura de chi "chi varca ol cünfì". Bèl pòst Teglio (al sömèa 'mpó Ruèta), splendidi panorami lungo la strada ('mpó meno i palazzù facc sö co' la spüda 'n séma a l'Aprica), bèla lochéscion ol Parco della Rimembranza e pizzoccheri sublimi fàcc sö da chi de l'asociassiù Astel. Ma pò scuvrìt che 'sti ché i è iperattivissimi 'n da zòna e i tira 'nsèma ü bordèl de laùr gajardi, tipo, apùnto, la Festa dol Pès (pesce, mia Playstation neh!). Al concèrt i gh'ìa circa 800 persune, risultato di tutto rispetto direi, considerato che, essendo venerdì, de bergamàsch, pòta, 'ne gnìcc öna 40ina forse, mia de piö (grassie ragassi/e!)e l'ìa la nòsta prima data in assoluto 'n Valtelìna! Scalèta bèla longa e pregna di pèssi storici, brano-balù "Bepifans" co' la Gabri in versiù wonder-woman söl palco (bràa) e l'Alfredo de Teglio (promotore di B&P in zona) a sircà de fa "I du camios" col Bepi (ma a metà cansone è fuggito accampando scuse farfagliose). Va dìghe mia ol dopo-esibisiù! I super-gentilissimi organissatori per dürmì i ga metìt adiritüra a disposissiù ü...palassetto dello sport! 'Ntréc! Ma truàt i brande zamò fàce, docce calde, öna butìglia de Braulio per l'Animale da Cortile e ol Bobo A4 (mètega pò al Còchet dai c'al rèsta mia 'ndré)e...balù, balù e amò balù per dedicarci con profitto al giuoco della cestopalla, dol fùbal e di altri sports sconosciuti creàti al momento (tipo bombardà ol Guidone a sbalunàde tipo bowling). Mensione d'onore per l'inossidabile Dolcetto Tour Manager che, all'alba delle boh ('ndà a saì che ura ca l'ìa), a dispetto de l'età piö marüda e passibile di deperimento rispetto a noi gnarelli, assisteva invece pimpante al crollo fisico, ü dopo l'oter (primo il Baffo dol Sèrvis e ültem ol Bepi), di ognuno dei festanti, saltellando leggiadro qua e là in palleggio acrobatico con commenti del tipo: "Zöghel pò piö nisü?". Un mito. Grassie mille al Giovanni e a tutta la Astel de Teglio. Si' stàcc dal bù ol top de l'ospitalità! Grassie anche ala Jagger family (póer cristi a lur a sircà de posà söi materàs 'ntàt che nóter an sa tunàa coi balù!) che la matìna la ga fàcc truà lé i briòsc per la culassiù. L'ìa 'mpó che 'n sa diertìa piö 'ssé!

10/06/2009

CASALE CREMASCO - Piazzale Galbani/Danone (Casale Rock Festival) Guarda il sito della manifestazione !

A Casàl al vé sèmper fò 'n festù e 'ssé l'è stacia pò a staólta! A dirla tutta an sa spiciàa mia ü bordèl compàgn de merculdé e 'nvece il Casale Rock Festival ha aperto i battenti del 2009, per fortuna, nella maniera migliore! Ol tendù al fa sèmper ön effetto "öf" ottimo per l'atmosfera festosa, un po' meno per l'acustica, ma digherès che ala fì l'è stacia öna gran bèla seradùna! 2 ure e 25 de concèrt, tecàt ai 22.00 e finìt co' la zét chi sgomàa vià perchè 'l dé dopo i saltàa fò a laurà (e pòta...). Scalèta, come prevedibile, bèla rock, co' l'Aldo de Careàs fortunato (?) abbrancatore del balù e splendido "ritornellista" sö "Ol mé Kevin". Sìe mia sigür de res-cià i cansù de la Dea fò de provincia (Casàl l'è zamò CR), ma i urganisadùr i ma cunvincìt e in effetti go de dì che de chi bande lé i è amò piö foghécc de ché per l'Atalanta! Ala fì del concèrt avró perdìt 3 lìter de südùr, ma s-ciao: l'è töta ginàstica! Grassie a tutto lo staff della festa e un grosso grassie al Giuliano Costa Ulpì che, dopo chèl de l'Abrusso, la tràt fò amò ü strisciù "ad effetto" con sö mé e Charlie Cinèl insèma (riferimento al brano "La me zènt").

05/06/2009

ANTEGNATE - Centro della Cultura (presso Auchan)

So mia se ol Simone Nava l'è stàcc metìt sö Sìndec ad Antegnàt, ma dol sigür nóter an ga dìs grassie per aver tirato insieme comunque questo concerto! Siccome che 'l piüìa la lochéscion l'è stàcia spustàda dal Parco Mülì Ecc al Centro dela Cültüra 'n banda a l'Auchan. L'acustica, pòta, la sarà mia stàcia ol massimo, mé crède, ma almeno an ghìa töcc la crapa quarciàda e 'l fàa culdì! Ol concèrt l'è stàcc bèl, dai...con inissio sobrio (e richiamo ad Antegnate nei versi acustici di "Prismas") e finàl "viulentemente rock". O sfoderàt ü bèl pó de regài di fans per ol compleàn (camisa, capèl, fibbia...) e o purtàt anche a cà ol mé solito completino intimo (ma sìf ca i è belì chi lé chi rìa sö "Ol gir di coregn"?). Ol balù l'è finìt al Luigi de Romà che ha sfoderato doti da Elvis sö "Gioanì Banana" (brao!). Dopo du ure e ü quàrt de südùr a manèta pà e porchèta per töcc e via! Grassie al Simone Nava, all'Asperti (che 'l gh'è sèmper depertöt gnà 'l füdès ol Berlusca) e a töt ol staff, disponibilissimo e premurosissimo! Grassie anche al preòst de Antegnàt che 'l ma salüdàt fò a l'uratòre!

01/06/2009

GORLE - Gorle Eventi

Öh a l'ìa 'mpó che 'n picàa mia zo quase tri ure de concèrt! 2 ure e 50 per l'esattèssa, con dentro di tutto e di ogni! A Górel an sè pròpe mia risparmiàcc! Sarà che l'ìa la prima olta ca 'n vegnìa! Super-ospite Raf V-Power Benzoni (su ben 6 pezzi) che con la sua roboante tastiera ha arricchito non poco il parterre delle sorprese. Mè regurdà amò la prima olta töt in nìgher con tat de farfalì dol Bepi, la cantàda (beh...'nsóma, cantada) dol Danilo de Bundiù sö "La festa" (l'emussiù l'è mia öna valida alleata dol sigür) e momenti esilaranti 'mpó depertöt, segnali de öna bèla atmosfera serena e rilasàda. Che dì, pò dopo, di stelìne, di cori e de töcc i regài chi è riàcc per ol mé compleàn? Dal bù go piö parole! Grassie a töcc. L'è stacia öna bèla seràda e 'n dol camerì mé e i Prismas an setàa a dìl e pò dopo l'è sèmper öna immensa sudisfassiù per nóter impienì i feste 'ssé: l'è sègn che nóter an fünsiuna amò bé e pò argutìna a lièl de zét e de solcc al gira amò. Quando a fì seràda an vèt cuochi e camerér isdernécc, pòta, al völ dì ca l'è stacia öna seradùna! Grassie al Davide e a tutto lo staff di Gorle Eventi, nonchè a l'Aministrassiù Comünàl che la suportàa ol töt.

30/05/2009

COLOGNO AL SERIO - Festa Bar Colleoni da Paola

Bèla seràda chèla de Cològn! La Paola del Bar Colleoni la tràcc insèma öna bèla festuna 'nda piassa del mercàt (i gh'era 'nfina ai giostre!) e direi che il suo coraggio è stato premiato! Tata zét, bèl palco, bèl impiànt (la sa sét neh la diferènsa quando chi gh'è i layer appesi?), bèla resa da parte nòsta, bèl töt! La mancàa forse chèla brachìna de gradi 'n piö che mal l'avrès mia facc. Il pomeriggio ero seriamente preso malissimo perchè ga riàe gnac a guidà dal mal de schéna! Ci dico grassie al Carlo della Onis de Spirà che 'l ma casàt dré ön Aulin (piö 2 Momendol a mesdé) e ala fì "on stage" ma so müìt mia gnè mal dai, anche se mia superelasticoreattivoroboante ocme al sólet! Per la prima olta st'an ma fàcc "Metropolàster" e "La Erika" (in Abrusso i pochi fortunati avevano sentito una versione moooolto particolare della stessa)e go de dì sinceramente che forse, a lièl de suoni, chèla de iér l'è stacia la tappa migliùr fin adès del tour 2009. Brai Prismas e brai fonici (il Checco, il Simù Sèrvis e il Baffo dèla Sound Service). Bràa pò ala Elisa de Brembàt che la brancàt ol balù e l'è gnìda sö a cantà "Suoneria piacevole e a ufo" portandosi a casa la sua jerlotta di applausi! Un plauso pò ai bepifans töcc insèma: o sentìt "Falco Saoldèl" dal camerì cantàda giösta e co' la giösta veemènsa. Brai! Grassie ala Paola, ala sò mama e a töt ol staff dèla festa.

26/05/2009

L'AQUILA - Monticchio Campo Lombardia 2

Pota, sa ma dumandìf sa só cuntét dèl concèrt in Abrùsso ga rìe mia a respundìf de sé e chèl che 'l ma spiàs de piö l'è che só fermamente convinto che, 'nvece, potensialmente avrebbe potuto essere una cosa molto più pregna di soddisfassioni. La situassiù zo là l'è delicàda e, da chèl che ma capìt, sono anche emersi aspetti che m'ìa pròpe mia cunsideràt. Ad esèmpe la diressiù dol töt, ol stìmol per sircà de tirà lé piö zét pusìbel, tra residenti e volontari, al gh'ìa de rià da öna sorta de "capo comune", le autorità che stanno sopra avrebbero potuto (e dovuto forse) dare alla cosa la giusta importanza, mentre così si sono limitati a prenderne atto e, al limite, a tollerarla, non sentendola evidentemente propria. L'idea del Vins de la Al del Löj, così buona nelle intensioni, segónt mé l'è stacia recepìda 'n de la manéra sbagliàda, quasi come fosse una "sfida" del Campo Lombardia 2 di Monticchio agli altri campi (al sömèa 'mpusìbel, ma gh'è öna sorta de campanilismo anche tra tendopoli, anche tra diverse Organissassioni benefiche e persino tra diversi gruppi appartenenti alla stessa: chi ca i è piö brài, chi che i è piö cunsideràcc ecc.). Ala fì, invece che di Marylin Monroe orobici che i sunàa per i "truppe" al fronte, ma fàcc piö o meno chèl che an püdìa fa anche ché a 5 km! :-). Questo da un lato è straordinario perchè significa che öna intìna de persùne i sè face 1300 Km in 2 dé per gnì a sentìga amò öna olta, per mia mancà e per portà 'l sò sostegno alle popolassioni terremotate (splendido il telo disegnàt dal Giuliano), oltre che a nóter. Dall'altro significa però anche che de zét ga n'ìa mia pò 'ssé tanta! L'ìa zamò malfà prupunì ü spetàcol come 'l nòst a 700 Km da ché...ma almeno a chi del nord che i è zo a laurà an pensàa di rià piö facilmente (vedi sopra). Per quanto concerne gli abrussesi è vero sì che "probabilmente i ga mia òia de diertìs", "i ga töt oter de pensà" o "i fa tròpa fadìga a capì", ma le vere ragioni, sempre secondo il mio modesto parere, della loro sparuta presènsa al concerto sono essensialmente due. 1) I era tròp poc in partènsa: la statistica l'è stèsa come ché, anche pègio. Sö 10000 persune i vé al concèrt in quace? 1500 (a sta làrch)? Sö 250 (i residenti al campo Lombardia 2)? Pòta...mantenendo la stessa proporsione fa 37. Fì oter...:-). 2) Ok che hanno subito il terremoto e ok che töcc i super-volontare che gh'è zo i è dré a daga öna mà immensa, almeno fin quando i ga rierà mia a 'ndà là coi sò gambe, ok che i è zét de montagna a lur e con i bergamàsch, i bresà ecc. al pöl vìsga intesa, ma è altrettanto vero che 'l basta puchì puchì perchè una presensa d'aiuto venga avvertita come una sorta di antipatica colonissassione. Segónt mé ü concerto 'n bergamàsch per di oter bergamàsch e simili al püdìa sunà pò a 'n chèla manéra lé. Cosa direste voi se un gruppo di abruzzesii venisse su a darci una mano e all'improvviso tutto fosse abruzzese? La parlata, la musica, i cartelli, gli annunci al megafono...Ripeto: c'erano tutte le migliori intensioni del mondo, ma qualcosa non è andato come volevamo. Ol concèrt l'è stàcc anche belì, il service del Domenico di Teramo meritava e anche i suoi ragassi. Ringrassio loro, il super Vins dèla Al del Löj che si è fatto in 4 col Matteo storico bepifan, ringrassio di stracuore i bepifans strinàcc che i gnìcc zo a portà töta la sò solidarietà e la sò òia de diertìs e de fas sènt e per ültem ringrassie i Prismas e ol Dolcetto che hanno voluto dividere con me questa esperiensa comunque ricca di umanità e di amicissia. An sa èt a Cològn!

22/05/2009

CASIRATE D'ADDA - Palagerundium (Festa degli Alpini) Ospite la banda giovanile di Gianico (BS)!

Seratona chèla de Casiràt! Grande nei numeri in tutti i sensi! Grant ol tendù (davvero bello e immenso) dol Palagerundium, grant ol palco (praticamente ü camp de basket!), tanta la zét che l'è gnìda a edìga, tance i gradi dol termometro, tance i bociasse dela Banda de Giànec super-ospite, capeggiata dal M° Guido Poni (non più bociassa d'età, ma iperattivo comunque) strafoghét dal bù, arrivata appositamente dalla Valcamonica! Inissio loro, ovviamente, con entrata trionfale in assetto parata. 4 o 5 cansù di Alpini picchiate giù prima a metà tendone e poi sul palco e pò dopo doppio duetto col Bepi sö "Kentucky" e "Il Tenente Romele" (brai s-cècc!) denàcc ala zét entuasiasta. Dopo ma tecàt nóter e per 2 ure e 15' l'è stàcc südùr, grinta e bele sensassiù. A dirla tutta o sentìt anche 'mpó de erurècc che de sólet an fa mia, ma amen: an ga darà la culpa al cólt e a l'emussiù per töcc chi laùr chi gh'ìa töcc insèma (non ultima la difficoltà tecnica di monitorare un palco così ampio). Mé ma so diertìt. Spere anche i bepifans. O anche fàcc vèt i mé braghète nöe effetto "frontier" (ah che stile?) e, ala fì, sìe talmente carico che so 'nfina a burlàt in tèra 'ntàt che saltàe 'n giro (ol tròp l'è tròp pò a per mé, scià docà!), però so cuntét che i Prismas i a 'mparàt ol mé fantastico ballo nöf de fa söi saluti finài! :-) Balù finìt al Giuliano dol Direttivo BBFC (sopeghét tra l'altro) che avrebbe preferito un pèsso più gnecco, ma l'è rampàt fò anche de "Bambo mé" dai! Un grosso grassie agli Alpini de Casiràt, al M° Guido Poni e ala sò banda de gnari che i fa bèla figüra 'n töt ol mónt! Ala fì i s'è truàcc töcc cuntécc. Metìs in màchina e a cà a belàse, sènsa frèsa...:-)

16/05/2009

DALMINE - Guga (www.gugaclub.it) ospite Simù de Milà!

Go de dì che gh'è di olte che, apéna finìda la seràda, so mia 'n grado de dàga ü voto con una certa sicurèssa e ma só anche niscursìt che a metìm in difficoltà i è i auricolàr stopa-urège ca dorve. Così isolato dal mondo ol contatto uditivo co' la zét l'è sèmper piö imaginàt che sentìt dal bù! Dopo, parlando anche coi Prismas e con vóter, ma niscórse che l'è 'ndàcia anche mèi de come credìe. Al Guga l'è stacia öna bèla seràda: colda, 'mpó diferènta da l'urdinàre, in quest'ambientassione flinstonsiana col palco ('mpunì picinì) sö 'n vólt, col Simù de Milà di nuovo tra noi al pòst de l'Animàl e töt ol rèst. L'inissio davvero spiassante neh col Bepi in versiù ante-2004 a fa "Bufalo Bill" dol De Gregori? Poi, però, dét a manèta e südùr a lìter! Simù de Milà lo smalto non l'ha perso (e nemmeno i chili di troppo) e tutto è filato via liscio (pò ala mé chitàra 'n dol saund-check l'è filàda vià liscia: drécia 'n tèra! Domani si porta a riparare :-(). Balù finìt al Walter, davvero carico e bravo in "Disco Sexy Bar" che, considerate velocità e tonalità bassa, ardì ca l'è mia strafacile come cansù, anse! Grassie mille al Simù superospite, al Guga Club intero (go truàt zo amò ü cogo tròp brao che edìe piö de agn) e naturalmente a tutti voi che, anche se magare ga püdì èt a gratis dopo mia tat, truì la òia de gnì a truàga anche in pòs-c in do ca s'paga 'l biglièt!

24/04/2009

PONTIROLO NUOVO - Festa Lega Nord

L'è inötel dì che i seràde come chèla de Puntiröl i è chèle chi ta fa quase gnì 'l döbe che la crisi la sabe doma ön'invensiù de argü! Invece la gh'è dal bù la crisi, eccome e, quindi, a maggior ragione, quando i laùr i va 'ssé an sè stradelà de cuntécc. Tanta gente, bel concertone, tutto andato benone, organissatori soddisfattissimi, tante palanche tirate su per i terremotati dell'Abrusso. S'pöl dumandà cusè de piö? Forse giösto chèla brachìna de gradi centigradi èco, visto che la temperadüra de fò l'ìa abastànsa stincante (participio presente de stincà), ma almeno al ghìa 'l tendù dai! Il suo bel sgrollettino però il pomeriggio c'è stato (e 'l ta parìa). Consegnati gli oggetti dell'asta per l'Abruzzo ai vincitori: Sentinella (rushguard Hunter), Giusy Bigiosa (maglia de cutù nigra) e Filippo (capèl Stetson). Davvero grassie a loro (2010,00 € l'asta da sola) e grassie anche a töcc chi chi ga cumpràt i craàte de cucudrìl in offerta (amò quase 500,00 €). Töcc solcc chi va a L'Aquila. Ol concèrt l'è stacc bèl carico e l'atmosfera la mè piasìda. Vedo con grande gioia che la zét la rüsa amò a de piö de prima e mi fa piacere che Bobo A4 e Stefano l'Animale da Cortile i va piàse! Brava anche la Maria de Botanüc a cantà Bigio BG insèma a mé! Personalmente però, per calarmi nella vera dimensione estiva, go bisògn amò de argót: a mé 'l ma piàs a sentìm la pèl intacoléta e rendìm cünt che 'n sè in estàt! Grassie al Dolcetto cassér (con du s se no al diènta ü del formài), ala Sound Service e a töta l'urganisassiù dèla Festa dela Lega de Puntiröl.

15/04/2009

SERIATE - XEL (Apertura Tour 2009)

Beh, che dire, mentirei se dicessi che non ero un po' emossionato e preoccupato per la nostra "prima" co' la furmassiù nöa e dol sigür 'mpunì tesi i era anche i Prismas. Ala fì la strécia de mà che 'n sè dàcc in camerì l'è stàcc ol sègn inequivocabile che l'ìa 'ndàcia benone e ma pò püdìt tra sö pò ala butiglìna de Champagne! 2 ure straintense, partìde col video de presentassiù (li 'ndàa 'mpó a strepù ma oter),"Il Tenente Romele" in versione bandistica, presentassione della formassione 2009 (Bepi, Guidone Orobico, Bobo A4, Stefano l'Animale da cortile e Stephan Còchet) e pò dopo, finalmente, "Mao 'll'ümidità" in versiù swing che gnac ol Bublé a la fa zo 'ssé stilùsa :-). A seguire altre "surpresine" tipo "La cua" in versiù dance (Ryder remiss) o "La mé Zènt" de Charlie Cinelli. Öna di chicche finài l'è stacc ol balù 'n mès ala zét e ü predestinato al vé söl palco a cantà con noter! Staólta la cansù l'ìa "Massimo Carrera" e 'l cantante l'è stàcc ol Peppino de Murnìch, emossionatissimo, ma brao! Finàl ala ègia: rock e südùr. Pubblico caldissimo, locale molto carino. Un grosso grassie al Dolcetto Tour Manager, all'Archi DJ fonico, al Gianni e a tutto lo Xel (pò al padrù di mür) e naturalmente a töcc i fans chi ga mòla mai. Scüsìm per i strisciù: 'n dèla confüsiù del "varo" ma so desmentegàt de lesìi!

27/03/2009

Lecco - Festa Nazionale Radio Scolastiche (Sala Ticozzi in via Ongania - breve apparizione del Bepi solo alle 21.00)

Seràda particulàr chèla 'n Sala Ticozzi a Lec. Era una serata per il "Raduno nazionale delle radio scolastiche", ma sinceramente, sìe convinto che avrès truàt töt oter! Invece ho trovato tanti ragassi (oserei dire "bravi" ragassi visto il taglio ala "volemose bene" del tutto) entusiasti, volenterosi, ma pòta...chèl falinì 'n difficoltà 'n dol gestì ü teàter picinì, ma bèl e öna scalèta ('n del senso de programma, mia de basèi) impegnativa. Adiritüra l'ìa prevista öna diretta contemporanea de piö de 30 radio, l'utilisso di una marea di strumenti e di microfoni...insomma, anche da ü punto di vista tecnico mia pròpe öna pasegiàda. La supervisione di qualche persona d'esperiènsa sarebbe stata utile. Fortunatamente a me non è saltato niente (anche se söl palco l'ìa abastànsa malfà sentìs) e amen: spère almeno che i fans chi è gnìcc i abe sentìt vergót. Confermo comunque che de lons de Bèrghem avverto una difficoltà enorme nel far passare qualcosa e seghéte a pensà che l'è mia doma öna questiù de parlàda...Grassie al Guido presentadùr, ai s-cècc de "Ragazzi e Cinema" e a chi che i è gnìcc a edìm.

13/03/2009

Bergamo - Palacreberg (breve apparizione nello spettacolo benefico ARTISTI PER I CLAUN)

Ol 13 de màrs a só turnàt al Palacreberg (che edìe mia da chèl famoso 10 de desèmber dol 2005. Pòta...ü certo efèt a 'llo fa sèmper!) per ol spetàcol "Artisti per i clàun", 'n do ca s'tràa sö di solcc per l'asociassiù Dutùr Clàun che la pórta ol sorriso 'n di reparti de oncologia pediatrica. Ovviamente ga sìe mia doma mé: presenti ballerini, clown famosi, acrobati, cantanti (la gh'ìa anche la Tissiana Manenti de Bèrghem), attori...'mpó de töt insoma! La seràda l'è düràda öna cifra, ma la zét in sala (mia gnè poca, compresi diversi bepifans) non pare essersi stancata. Mé o cantàt la "Suoneria piacevole e a ufo" in prensépe (anche se 'l fonico al ga ìs intopàt dét in dol letùr CD!) e "Remigio" 'n fonta. Un grassie a tutta l'associassione, in particolare alla coordinatrice Trifola (e certa zét làghela a cà la prosima olta, scùltem mé!)e al clàun Mike (che l'è amò chèl dol Direttivo dol BBFC!).

24/02/2009

Clusone - 57° Carnevale Clusonese (breve apparizione alle 15.30 circa)

Esibisiù molto semplice chèla de Clüsù al Carneàl. La zét la ga sìa negót perchè söi manifès-c i era mia facc in tép a metìl sö (e mia töcc i ga arda a chèl sito ché). Comunque 'mpo de zét in piasa dol leròi la gh'era e poi si sono visti volti noti dei bepifans (adiritüra chi de Costa Ulpì col strisciù "Tunisi c'è"). La storia l'è düràda 15/20 menücc, mia de piö, 'ntàt che i spetàa i car. O cantàt "Remigio" e "Kentucky" e o fàcc 4 bale co' la Betta de Più Valli TV (almeno crède la sìes de Più Valli) presentatrice. Nént de stratosferico, ma divertente, dai...

05/01/2009

Villa d'Almè - Teatro Serassi (BREVE APPARIZIONE DEL MANAGER TIZIANO INCANI)

Cumparsàda particulàr chèla del 5 de zenér al Serassi. Su esplicita richiesta della Patrizia, moglie del mitico Maurissio Anesa (quello che vien sempre nominato dietro i miei CD), dovevo picchiar giù (considerati i pèssi direi che il verbo è abbastansa inappropriato) due brani da Tiziano Incani e non da Bepi all'interno dello spettacolo "Spiriti Liberi - Basta!". Dopo un bel po' di tempo dunque sono andato a rispolverare "La paura" (va beh, era stata fatta al Bepiraduno 2008) e "E via dicendo" (eseguita, credo, l'ultima volta nel 2000). Soprattutto il secondo brano, però, calsava ancora a pennello al sottoscritto, anche alla luce delle recenti fortunate, variegate, controverse vicende legate al Bepi. La frase "...mi strappa un sorriso chi cambia idea sul mio conto" forse, oggi come oggi, ha ancora più valore, visto che detesto la contrapposizione Tiziano-impegnato e colto/Bepi -commerciale e superficiale, così come mi infastidisce dover calarmi sempre nella parte di Tiziano per far capire a qualcuno che forse 'l Bepi l'è mia chèl boatù e basta chi pensa lur. Va beh, l'ìa comunque öna comparsàda 'ssé...Non pensiate che abbia intenzione di smettere i panni del Bepi in favore del cantautorato d'annata. Come sèmper fo chèl ca ma séte, a prescindere dai consigli, e fin adès la sè rivelàda öna tattica giösta!:-)