Il Bepi & The Prismas

09/12/2007

Villa d'Almè - Teatro Serassi (presentazione DVD "BBFC concért de Clüsù...e pò a di otre ròbe")

Beh, che dire...grassie davvero a tutti. Dopo ü per de mìs bù c'an sa edìa piö truà amò 550 persune chi vé doma a èt ol DVD 'nsèma a noter l'è stàcc bèl! Gran movimento, firme, foto, grandi sorrisi, anche se l'effetto dol vèt i bepifans estìcc sö de l'invéren a l'è 'mpo strano! Va beh, ol laùr importante l'è c'an sa sabe diertìcc. Mé i ma dìcc che o fàcc la predica dal palco (so stàcc pròpe 'ssé prisma?) e söbet dopo ma ést 1h e mèza de DVD. I spots soprattutto al ma sömèa chi va sabe piazìcc!

08/12/2007

Brusaporto - Ristorante Cantalupa (cena Martinelli Ginetto Spa)

Ol dé de l'Immacolata so stàcc ospite ala zéna asiendàl dèla Martinelli Ginetto Spa de Casnìc ala Cantalupa de Brüsa (capìt lur? Mìa pissa, cafè e a cà töcc!). L'è stacia öna seràda piacevole con 150 persune circa, delle quali probabilmente una cifra non mi aveva mai visto! Però tance sé e söi cansù piö cariche i se fàcc sentì eccome! Dopo de mé la sunàt ön urèta ol gruppo Pop Secret e ala fì o conclüdìt ol töt desmentegandomi camicia e cappello zo de bàs (Bepi sènsa crapa). Grassie ala Daniela, a l'Andrea de Léf urganizadùr e al simpaticissimo Metre dela Cantalupa.

05/10/2007

Clusone - Teatro Monsignor Tomasini (riservata agli iscritti al Bepi Berghem Fan Club)

Digherès che ol 5 de utùer, per il concert dol Fan Club, ma enzìt öna bèla scumèsa: fa ü bèl ispetacol e fa capì che festa al pöl vìs ü concert de Bepi & The Prismas. La registrassiù del DVD m'lo ederà pò coma l'è 'ndàcia, ma la sensassione dal vivo è stata di sicuro di calore e partecipassione. Bepifans impegnatissimi a fa sentì töt ol repertorio chi ga sìa, armati di gaggets sö gaggets, de ùs e de òia de picà pé e mà. Prismas, come previsto, abastànsa tesi, ma deciamente avvantaggiati dal fatto de ìt sunàt per mìs i cansù chi fàa zo (an sìa amò colcc). Fonico in sala: Mattia. Burtulòt impegnato nel retro col Paolo Cernuschi per la registrasiù. Inissio partenopeo, intro americano e dopo...bòta! 3 ure de concert ('n dol DVD an gavrà de teà fò mìa de schèrs), tante emossioni, tante cose e...tace turte! Mama quace! Al ma gnìa 'n ment ol finàl di Boröle (töce i mame 'nsèma ai suore...). Abbiamo ridorvato anche il fondale rosso fatto giù dalla Roby e, tutto sommato, non abbiamo fatto, causa DVD, troppo diverso da un concerto normale. Go de dìf grassie perchè ol continuo interscambio tra noter e oter l'è stacc proficuo! An püdìa mìa finì mèi ol 2007. Söl palco, con noter, Juza President, Marco di Pa e Ansia, Paolo G de la 3 Faggi, Leo de Cavlera e, ala fì, Sonia e Iris merchandising, Dolcetto Scherzetto e Simù Servis (che 'l sa spusa). Se 'n ga rìa ol DVD al vé fò per Nedal se no mi spicerà. Grassie alla Sound Service de Brignà e allo staff del teatro Tomasini. An sa èt in dol 2008. Ciao!!!

29/09/2007

Nembro - La Cupola www.cupola.org

Seràda straocolda ala Cupola de Nember ol 29/09! Colt ol pòst (pota,de fò l'ìa fresca ma fò 'det...) e colcc i bepifans supergaggettati che praticamente i a munupulizàt la sala e i a fàcc sö ü bèl burdèl. Ol laùr piö fò l'è ìgghie lé a 30 ghèi (de solet an sa èt da piö de lons). Così vi ho ciombato su anche voi con gli sprussi di sudore! Per il resto an ga üt la conferma che i locai i è mìa ol nòst terreno migliur: ol Beppe al sè anche sbatìt, però ol Barbèta (co' la févra per de piö) la düzìt fa pò al laurà che de solet al fa ol fonico dol local (cablaggi vari), ol Guidone la resciàt de ciapà ü faretto söl co (fürtüna l'è gnit zo quando ca 'n sìa dré a maià) e forse ai buttafuori gavrès mé, da ess collega, de 'nsegnàga a fa 'l sò mestér (se de no ghéi de fa?): in dol nòst camerì al ghìa de gnì dét nisü de nisü e mé go truàt cà e porci. Risultato: 3 pér de ögiài sparìcc. Grassie neh!

22/09/2007

Bergamo - Piazza Vittorio Veneto (Notte Nerazzurra)

Pota...signori miei.Goi de dìf cusè? Una delle serate più indimenticabili de Bepi & The Prismas. A Berghem ol nömer di spetadùr (a riàga a èt in do i finìa) l'éra tra i 15 e i 20 méla persùne! Ü spetàcol, insoma, e dal volt l'ìa ü spetacol amò a de piö! Prima de noter Ravasio, Aresi e ol DJ de Number One, ma mé 'n dol camerì va sentìe stès a fa cagnàra. Strempiàe a mé come oter e rampà fò a fa "La festa" l'è stàcc öna liberassiù. Ön ura e mèza de adrenalina pura! Bellissimo. Evidentemente era destino che prima o poi an ga riàes a noter a sunà 'n Piasa Vittorio Veneto! E che sunàda! Pensàef mìa ah ca la resciàes a saltà zo sö sö Carrera! E 'nvece...ada te 'l Bepi di olte! Non commento volontariamente (anche perchè la egnerès longa) il post concerto. Per me il tutto è finito, da prassi, al mio terso inchino verso il pubblico. E l'è finìt ala granda! Grassie a töcc.

21/09/2007

Mozzanica

Strabèl ol 21 a Musànega! A s'vedìa che l'ìa l'ültima 'n da Basa: ü ròs de zét, clima buono, öna marea de strisciù anche da fò dala provincia (Crema, Bressa (i ma la dìcc lur che go de fa zo du S), Munsa, Buren, Co de Put...) e tata zét da ovunque. bello, bello! Ol Bepi l'ìa 'n vena de sparànne e così è stato. Problemini tecnici 'mpo per töcc (Simù-ampli smursàt, Mauro Set Carico-bàs alternato, Bepi-cavo 'lla chitàra rot...), ma lo spirito era molto positivo e se to ciàpet sö töt dala buna banda to 'ndé ala grande stès! C'è da dire,ancora una volta, che i tòr coi case appese...pota...la diferènsa i 'lla fa! Un ringrasiamento speciale ai bepifans e a l'ingegnosità mai doma del Fan Club!

14/09/2007

Almenno San Salvatore - Festa Lega Nord

Bèla seràda ol 14 de setember ala 'Lmèn Fest a Almèn S.Salvadur. L'ünec laùr mìa tròp bèl l'ìa l'aria gnèca ca la fischiàa zo dala Al Imagna! Ol fresculì al sè fàcc sentì però ol concert l'è stàcc bèl: tata zét, tace bèi coreografie, tace strisciù e pò a noter an sìa bèi carichi (mé sìe 'mpo malaticcio, ma oter..). Carina la parentesi con lo Juza e il Matto cantanti e 'l Bepi sbandieradùr (co Giuda sa la pìsa!). Gnoccometro posissionato tra il pubblico impazzito (lièl stra-olt eh!). Rieseguita per la prima volta 'n dol 2007 "Il ragazzo della Via Gluck". Un grassie a töcc i urganizadùr, in special modo a Badìl.

09/09/2007

Caprino Bergamasco

Festa strana chèla de Cavrì. Il posto l'ìa strabèl, ma piö adatto ala fì de zögn che al 9 de setember (töta erba e pracc...pota, ol frécc, l'ümidità...). Ol palco mé l'avrès metìt in font invece che 'n séma, in compenso l'acustica era molto buona. La zét l'ìa mìa öna sburdelàda, ma cunsideràt che ol pòst l'ìa enorme, l'ìa sö 'n séma a Cavrì, de düminica, a setember...an pöl pròpe mìa lamentàs! Tanta gente nuova e da fuori provincia tra l'altro: al ga fa piasér dai! Ol palco leggermente in pendènsa al creàa di "problemini" de equilibrio che però i faa grignà! Noter m'lo dumanda a bola comunque ;-). Guidone dolorante dopo il concerto per esser restato sotto il mucchio finale..."e d'altronde l'è mia semper festa"!

08/09/2007

Calcio - Festa dell'Oratorio

Festuna in Piàsa San Vitur a Cals! Un bordello di gente e una temperatura più che accettabile. Concerto carichissimo (con Bepi moooolto Lemmy in "Cosa ga det dré ai terù?") e battaglia dei damoni finale semper piö catìa! Omaggio floreale ala Luisa (e grassie)e ol Walter urganisadùr söl palco coi boce. Per la prima olta 'n dol 2007 ma fàcc zo "Bastardei" e anche ol Bepi la sfogiàt la maglia doràda. Ray semper piö idolatràt per i sò boiàde fusion (bah...)sö "ol mé Kevin". Grassie mille, come sempre, per gli omaggi "intimi" e meno intimi che i rìa söl palco!

07/09/2007

Rogno - 30° Sagra Settembrina www.sagrasettembrina.org

Moooolto carina la dàta de Rògn ol 07/09! Ol fatto ch'i abe muntàt ü palco nöf denàcc a chèl oter la cambiàt la céra a töt! Zét tanta e acustica buona,direi. Scaletta frissante al punto giusto e temperatüra mìa colda, ma de stàga det disom. Sö Coston Beach so 'ndàcc a truà ol Barba al mìsser (ah, ma 'l ga lé a lü ol sò bèl de fa eh!)e l'è semper strabèl girà per la zét e per i taoi sö Massimo Carrera perchè l'è fò a ardàga a come i pica i mà o ai cére chi fa sö! Mé fo sito perchè se ga arde ala mé de céra ciao! Grassie mille alla Claudia e a töta l'urganisassiù, molto gentili tutti.Grassie anche ala Sonia Merchandising per i magliète nöe gentile omaggio e i felpine trendi de chi dol servis. "Matéo micro fòòòno..." (Liviu docet)

06/09/2007

Grumello del Monte - Festa in Piazza Grumello Square

La taca a fàs sentì la frescüra ah? Ol 6 de setember a Grömèl al fàa ü tòc piö frècc de l'an pasàt, ma de zét ga nìa öna caterva stès! Son contento, visti anche i danni alle strutture della festa subiti dai vandali martedì ('ndà a saì ol motivo). Noter, dopo la mini-pausa an sìa bèi carichi o forse l'è stàcia la lüce celesta tipo lampada UVA che 'n ghìa 'n camerì (che stomegàda de lüce öh), fatto sta che abbiam picchiato giù la nostra bella performàns de 2 ure e mèsa con tanto di sfilata del Bepi completo blu/camisìna rosa sö "Little Wing". Grassie a l'organisassione e come sempre a tutti gli immancabili s3natissimi bepifans!

01/09/2007

Filago - 5° Fermi Motor Fest www.fermiracingteam.it

Amò öna bèla jerla de zét a Filàc ol prim de setember! Siamo stracontenti perchè, dopo la tromba d'aria de giöedé, a l'ìa zamò bèl sa la ghìa amò la festa! Organissatori stragentili e soddisfatti. Meno mal! Palcù bèl grant e ü camp intréc dol balù de 'mpienì! Ol Bepi giunto sul palco direttamente a bordo di un motocarro Ercole (ön oter l'ìa pustegiàt denàcc al palco):giusto, trattandosi la festa de ü motoraduno 'n sistema! 4 cambi d'abito completi eh! Lamentìs amò che schìe la fadìga...no, schèrso però 'n dol camerì ghìa fò ü bèl muntù de roba!

31/08/2007

Brembilla - Oratorio

Bèla seràda ol 31 agost a Brembilla ('mpo tròp fresca forse per i mé göscc!). Mìa ü macèl, ma comunque tata zét e du ure e mèza de spetacol (al mè tucàt anche scürtàl se no ciao!). Inissio più unico che raro con l'Aristide Scanelli e la Samantha in carne ed ossa che ci danno il premio "Disco più briccone dell'anno" (4 pile stilo) a Bepi & The Prismas. Tra i laùr rari pò al Bepi che 'l suna la tromba in "Gruppo Edilwaltz", i consigli nuovi per indà i lècc sènsa fas sentì dala fonna e ol cumpletì tirolés con camìsa a quader (mai metìda dal Bepi,ma datàda utùer 2005). E 'nsoma...asé de ìs cuntécc. Grassie al Piero e al Don Raffaele e un grassie particolare a Simù Servis e agli instancabili uomini dela Sound Service de Brignà.

30/08/2007

Boltiere

Giurnadìna inissiata nel peggiore dei modi il 30/08.La tromba d'aria/acquazzone che ha investito la Bassa la fàcc dét öna palude pò a Bolter. Per fürtüna i urganisadùr i ga üt ol tép per sistemà 'mpo töt e ala fì, va beh, ghìa 'mpo de palcia, ma tutto sommato era tutto a posto! Bel concert digherès quindi...noter bei carichi, zét tanta e atmosfera festosa de chi chi püdìa ciapàla sö e 'nvece i la schiàda! Il Bepi la tràcc fò 'mpo de estìcc mai éscc prima (o raramente come i braghe da enduro)e ancora una volta (dopo Casale) ma dorvàt la solussione "inissio col Guidone scoppiettante". Grassie a tutti gli organissatori (compreso ol Mangiafuoco di Pinocchio :-))

28/08/2007

Dalmine - Festa della Birra www.festabirradalmine.it

Ol 28 de agost a Dalmen l'ìa cumìnsàda con d'öna sbrofàda de acqua ai sés de sira.L'ìa martedé e a fì stagiù: an pensàa che 'mpo de zét la sarès restàda a cà. Invece ai 21.30, sota 'l tendù (e pò a ü bel tòc fò) ghéra ol "solet" ròs! Dighe "solet" perchè al so quat c'an sè üsàcc bé (a buchìna!). La copertüra 'ndo c'an sìa l'ìa ügì basa e quindi al fàa 'mpo ön efèt "pignàta" che 'l tràa mat ol Burtulòt, ma 'n ga stàa dét dai! 2 ure e mèsa de spetacol (go metìt pò a "Falco Saoldèl" sö sura!)e parecchi intermessi inusuali (strabèl "inusuali": marchì zo söbet!), compresa la cassa spia del Simù de Milà che l'ìa decidìt de rumpì i tole. Fürtüna che l'è riàt Simù Servis e con du papine al ga spiegàt chi ca l'è che 'l comanda!

25/08/2007

Verdello - Festa dell'Oratorio

Bellissima la seràda de Erdèl ol 25. Ü ròs de zét, bèl tép, tance strisciù e töcc i Prismas bèi carichi per du ure e mèza de spetacol filàt. Il Bepi li sfoggia ol completino tirolés nöf (che 'l costa ön öcc dol co)e li spara fò töt fina a finì fò pò ala riserva! Prima del concert colegamént del cüràt e i boce de Erdèl col Doni (mé sìe de dré,come fàe?). Strabella la domanda:"Come intendi giocare domani?". Finàl de Babe semper piö sensuale (a gambe 'n aria con Simù de Milà)e finàl de concerto semper piö cruento col Bepi sota 'l muntù. Grassie a tutta l'organissassione de l'uratòre.

18/08/2007

S.Omobono Imagna - Festa della Comunità (fraz. Mazzoleni)

Molto molto bella la seràda a Mazzoleni de de Sant'Imbù ol 18/08. A ghìe 'mpo pura per ol tép perchè so partìt de cà co' la granden e lé sura ghèra ü niolòt che s'capìa mìa cosa 'l vülìa fa. Meno mal che l'è stàcc lé bù! 2 ure e mèza de concerto, pubblico bello caldo e tante facce nuove. Mé o cüntàt sö anche di storielle inedite e la rissa/muntù final la diénta semper piö cruenta! Appressabilissima anche l'urganisassiù de la festa. Unica nota negativa: chi quater scemi chi zögàa a balù 'n dol camp e chi mà bolàt la machina...al sarà mìa ü grant dan, ma quando ü l'è scemo mè diglo!

17/08/2007

Lovere - Porto Turistico www.portoturisticodilovere.it

A Luer ol 17 de agost il banale quanto gravissimo errore del sottoscritto al ma mìa dat pàs fina a quando so saltàt sö söl palco.La mortificassione per ì'facc saltà i riprese del DVD e per aver sputtanato (cunsentìm ol termine,dai) setimàne de laorà de töcc...pota,l'ìa tanta.Al sarà stàcc anche ön erurèt,mètega sura anche 'mpo de rogna,ma la culpa l'ìa pròpe töta mé!La carica dei Prismas,chi se l'è mìa ciapàda piö de tat e soprattutto della gente che la ma mìa mandat a chèl paìs la ma 'mpo cambiàt l'umùr.Vedere cosa avevano preparato per l'evento al ma fàa 'mpo malinconia,ma oter,l'è 'ndàcia 'ssé.Ol concerto mé lo facc piö carico che mai e lo spettacolo che m'ìa preparàt pense pròpe che 'l valìes la pena edìl.Piö lüci del solet,palco aggiuntivo sura chèl oter,splendida curnìs del Porto Nuovo co' la vela bianca sura,tor coi case appese...ga nìa de roba!La coreografia di fans la facc ol rèst.Al resterà ü gran bèl ricordo e mìa ü gran bèl divudì.Grassie a Plinio e a tutta l'Organizéscion. Pense positivo e pense a coma l'è bèl ol bepiworld,dai: de purcù variegati e irripetibili 'no zamò tràcc zo asé iér.

16/08/2007

Capriate San Gervasio - Festa della comunità di Capriate (campo sportivo Oratorio Capriate)

Forse al ga rezù Simù de Milà a dì che a Cavriàt an sìa 'ssé carichi perchè s'è smollata giù tutta d'un colpo la tensione che...pota,il Bepi non c'era e si sapeva che stava venendo giù in moto a manetta da Angolo(qualcuno che si preoccupa per me c'è :-)).Ala fì ga so riàt a rià per le 21.40 e quindi con un ritardo umano,dai! Tép de gnì det dal cancèl e mega boato! Tròp bèl. Söbet söl palco (fò ah la partènsa con "Babe"?) e via! Du ure bèle energiche (l'è pròpe mìa éra che ma so tegnìt a ma per Luer!) e riproposissione de "L'ambülatòre" in versiù 2006. Ol pòst l'ìa bèl grant e adatto per la solussione audio con le torri che la ga semper öna gran bèla bòta! Un grosso grassie ai Prismas che hanno fatto anche quello che di solito tocca a me fare e al Marco urganizadùr per töt. I Prismas e il Dolcetto m'hanno detto: "Urganisasiù perfetta!".Avanti così!

16/08/2007

Angolo Terme - No Alcol Festival (comparsata alle 20.00)

Ad Angol ol 16 de agost mé so gnìt fò prèst (e go scombüsolàt töta la scalèta) ma d'altronde ghìe de samà ala svelta a Cavriàt! Invece che ai 8 o cuminsat ai òt e inte e,pota,o cantàt "La festa" e "Kentucky" e ga so mìa riàt a rampà sö la Gussi prima di 20.40.Ghéra mìa tata zét a chèl'ura lé,ma 'l ma facc piasér che chi chi ghìa i ma cunusìa e i era cuntécc(2 i è gnìcc infina a Cavriat dopo!).O cunusìt finalmente Charlie Cinelli e so stàcc cuntét che Omar Pedrini al sabe gnìt lé a salüdam.L'urganisassiù l'ìa 'n mà a Radio Vera e l'esibissione è stata ripresa da Rai 3,Teleboario e Più Valli TV.Mi 'vést?

12/08/2007

Vigolo - 31° Sagra di Ferragosto

Bel paisì dal bù Igol! Da 650 anime chi è an ga là trasfurmàt in dü mega bordèl(in senso buono di casotto,non di casino).Pié ciomp impertöt:gradinàde,parcheggi,tendù,piàsa...Bellissimo!Marco urganizadùr fò come ü pàl e töcc stracuntécc: mèi 'ssé dai. Da festa piccolina del paese a megafestona. 2 ure e 30 de concert,acustica mìa gnè mal consideràti gli spassi angusti(marcar giù subito "angusti"). Scalèta töta strana(mai öna olta la stèsa ma sunàt!)con "Babe" zo 'n font e "Co de goma" come tèrsa. Fans riàcc da töcc i angoi e anche di strisciù nöf. Se 'n va 'nnàcc issé (noter e oter) chi lo ferma il bepiworld?

03/08/2007

Rovetta - Parco Comunale (Il Falco e la Dea)

Pota...che dire?Stramemorabile la seràda de Ruèta!Dighe söbet grassie a töcc i bepifans,per mé i veri protagonisti de l'evento! So mìa quata zét la ghìa; i parla de 4 méla e piö! Al ghéra ü caos in chèl Parco che va dighe mìa: tra TV,telecamere(otanta méla),urganizadùr,presentatrici,uràre da rispetà,ospiti,scalète la ma fömàa del bù la crapa! Alla fine tutto perfetto, dirès: prima noter bèi carichi, dopo 'l Falco Saoldèl(con Mazzoleni e Locatelli),dopo l'Atalanta al completo e ala fì amò noter.Bèl töt. Bèl vedì Paolo urgugliùs de la sò festa (urganizàda dal sò Fans Club)e dèla sò cansù cantàda da töcc, bèl vedì Defendi,Rivalta,Bellini,Ginami e Doni daga dét ala granda 'n di sö de lur, bèl saì che Talamonti l'è ü nòst fan, ma soprattutto bèl vedì i bepifans in gran spolvero fa capì a töcc che i era lé soprattutto per Bepi & The Prismas. Una serata indimentacabile per Rovetta, per Bepi & The Prismas (per me amò de piö visto che so de Ruèta)e mé spere anche per voter. Piö de 'ssé so mìa sa ga rìe a sparà a töta! S'è visto? Tènchiu aghéin!

29/07/2007

Darfo - Acquaplanet (ospitata a sorpresa)

I ghè riàcc istès a truàm! Incredibili alcuni bepifans: nonostante non avessi dato alcun indissio mai so truàt denàcc ai 14.30 dela düminica a Darf! Ero ospite per mezzoretta di DJ Ivan X (urganizadùr del concert de Castiù)e l'è stàcc divertente dai! La zét l'ìa tanta anche se la giurnàda l'ìa mìa prope stralimpida e l'è abastànsa fò cantà denàcc a tace persune mèse biote e col sul! 5 cansoni solamente: Kentucky, Disco Sexy Bar, Falco Saoldel, Moto Gussi R&R e La festa. Tat de cambià 'mpo aria...se 'l ghéra piö bèl magare an sarès rampàcc dét a noter (mé,Cochet,Guidone O.,Contadinella e Sonia M.)in piscina!

28/07/2007

Covo - Luglio Covese

Concert colt a Cof!Colt come temparadüra (31 °C)e anche come acogliènsa dèla zét che 'n da Basa la sa fa mai pregà!Incurante de töt mé so rampat fò estìt sö de pèl(e o sbragàt amò ü per de braghe 'n dol tra sö chèl barilòt dol Simù).2 ore e meza di spettacolo in Piassa S.Apostoli, forse un po' piccola (soprattutto per l'acustica),ma molto carina. 'N banda al palco ghéra ü schermo coi immagini e ghè stàcc anche ü lancio de magliète dol sponsor! Nuove coreografie di bepifans chi sa piö quace 'nventanne! Di nuovo grassie a töcc. Mé sìe trebatìt, ma me per sentì dal bù l'estàt go de sentìm issé! Grassie a l'aministrassiù de Cof e al sciur Asperti.

27/07/2007

Serina – Festa Lega Nord (Campo Sportivo)

Gran bèla seradìna a Serina! Soprattutto se paragonata allo stratempo che ci accolse (passato remoto) l’anno scorso! Staolta töt bé: bèl tép, temperadüra fresca, ma mìa de mör, tata zét, buona organissassione, posto grande (ol piasàl dol mercàt). A differènsa di Castione l’acustica l’éra buna e anche i vilegiàncc i ga soportàt ulentera (chi che o ést mé per lo meno). E’ un piacere fare un giro su “Carrera” (avrò facc 1 km!) anche distante dal palco e sentì i commenti de la zét anche sö de età. Ol nòst concert l’è a strati, ‘nsoma. De lons dal palco, sènsa balà, cantà né fa casòt, ma c’è comunque tanta gente che appressa! Mè mai desmentegàl. Fiur per la Contadinella prima del concert e regài anche söl palco! Grassie mille! Staolta a fa la tromba sö “Gruppo Edilwaltz” al ghè tucàt al Paolo (Put e Grasòbe) e se l’è cavata egregiamente direi. Grassie a tutti quelli che hanno sopportato 2 ore di colonna per esserci. Mé o facc Zambla e lo schiàda!

22/07/2007

Castione della Presolana

Ol 22 an sè sbarcàcc a Castiù per chèla che probabilmente la sarà la tappa piö "turistica" del 2007. 'N dol balù del Centro Sportivo, infatti, ghéra öna jerla de vilegiàncc,ma anche il solito nutrito gruppo di bepifans made in BG! La zét l'è stacia tanta e calurùsa per ü bel tòc,dopo la tacàt a 'ndà vià 'mpo,man mano che i cansù i sa fàa piö gnèche (chisà perchè ;-)).Comunque noter ma rüzàt ala grande fina 'n font("Cosa ga det dré..." amò a piö extreme dol solet)! Söl palco grande ritorno come ospite del Raphael Kyarpi Afuure in "A mé ol latino..." e breve comparsata anche del Tony Tranquillo in versiù cameramen. Tromba sö Edilwaltz: Paolo de Berghem armat de capèl süttirolés. Un saluto a DJ Ivan X organissatore.

21/07/2007

Solto Collina - Oratorio

Molto bellina la data a l'uratòre de Solt!Temperatura ochèi,posto bello e anche "pratoso", zét tanta e variegata (aggettivo), scalèta de 2 ure e 30!Prismas in vena de fa i bambi piö del solet (col batterista di Transit che 'l vùsa 'l tép in bergamasc!)e anche 'l Bepi al ga 'ndàa dré bé.Palèta del Carabinier spacàda sö pròpe sö "I du camios"(ohibò).Ol campetì de erba sintetica lé de dré al ga fàcc gola per töt ol dopolmesdé,ma...pota...niente giuoco del calcio fuori programma(come a Palosc).Spere che chèl che l'è 'ndàcc in tera co' la moto lé sura al sa sàbe fàcc negot.Grassie mille al Roberto, al Paris e a tutta l'organiséscion!

20/07/2007

Bergamo Celadina - Festa dell'Unità

Gran bèla seradùna ala Celadina ala Festa de l'Unità! Ma tacàt prima e probabilmente tance i s'lo spetàa mìa.Sö "I boröle" to i vedìet a rià come fürmìghe!Ala fì a ghìa lé ol solet ròs (anche de piö di agn pasàcc digherès!).Inissio strarock co' la sorpresa de "Co de goma" in posissione decentrata. Oltre 3000 persone e soprattutto una splendida cornice: palcù, impiantù e tanti bepifans mesciàcc a curiosi divertiti.Söl palco anche Marco Dam Vinte Euro detto anche Marco Dam Piö Gnà Chèi o semplicemente Marco Viulì,semper piö simpatec e coinvolto.An ghìa de finì ai 23.30 e 'n sè stàcc precìs come di leròi!Grassie al Rota e a tutta l'organissassione che ci ha dato anche l'inguria (coi armini, ovvio...).

15/07/2007

Tribulina di Scanzorosciate - Campo Sportivo

Tutto ochèi ala Tribülina de Scans!Il tempo era il migliore che si poteva avere,chèl che vucurìa al ghìa töt e noter ma fàcc amò ol nòst bel concertì denàcc a tance persune!Servivano le palanchine per far su l'asilo e spero che un po' ne siano arrivate.I urganizadùr i ma sömeàa bei cuntécc(anche 'mpo straolcc a dìla töta: mega sbatimént).D'altronde l'ìa la prima olta chi tràa 'mpe ü laùr dol gèner! E' sempre bello quando riempiamo su le frassioni mica tanto grosse perchè al völ pròpe dì che i fans i rìa apòsta.Ier tra l'altro mega cua sia 'n Valseriana che 'n Valcaalìna per ol rientro di milanés e altro:la düminica l'è semper ü delirio!Grassie ai Sig.ri Martinelli (finansiatori dela seràda),ala Ramona e a töcc chi dol staff.

14/07/2007

Treviglio - Festa Lega Nord

Come previsto(ma non dato per scontato)a Treì al ghéra ü mega bordèl!Zamò l'an pasàt l'ìa stàcc istrabèl,ma st'an a ga n'era amò a de piö(fonte:i urganizadùr).Calcolato addirittura l'incremento:16%.Ecola!Finalmente una vera tappa "estiva",bèla südada e teculùsa!Bel palco,buoni strutture e audio(öna solüssiù coi tor la ga stàa dét però!)e ottimissima la cucina(chiedere a Simù de Milà bidù sènsa font).Öna conferma,'nsoma.Un grassie speciale a chi del Piemont che per la segonda olta(tèrsa con Pontida)i è gnìcc a edìga,ma naturalmente anche agli inossidabili recidivissimi bepifans!

13/07/2007

Palosco - Campo Sportivo

Bèla serada a l'uratòre de Palosc!Meteorologicamente ottima e noter sota 'l tendù(ta parìa)!Però abbiamo ruzzato per due ore e messa alla grande lo stesso.Mé sìe straciomp e sèc istrasèc ala fì e anche i Prismas i era bèi desfàcc!Sul palco ospite Simù da Erfa come ai vecchi tempi sul latino e sö Coston, mentre staolta la part de la tromba sö Edilwaltz la ghè tucàda ala Rossana(braa tra l'altro!).Al ma sa chi sa prepara a cà!Inissio da pura col Guidone 'mper lü a fa sö casòt...e dopo via "Cristiano Doni" de onda!Grassie al Sergio e l'urganisassiù.

12/07/2007

Torre Boldone - Festa Lega Nord (Ciscoscrizione 21 )

Prima 'n ga fàa la guèra a l'acqua,adès al frécc!Bèla seràda a Tor ol 12 de löi, ma ala fì, pota, a s'zelàa!Comunque una sfracca di gente e seràta strabella. Unico neo: un botto di corrente o altro che la fàcc saltà l'ampli de Simù,causando un'interrussione di una decina di minuti.Sperom che 'l sabe nént de bröt per ol scatolòt del milanés,brao comunque 'n quac manére a finì fò la seràda ala granda.Dopo un bel po' ma facc zo "Bigio BG" integràl ('ntréga 'ntende,mìa co' la crösca!)e sö "Paolo pustì" sfoggiato casco uriginàl griffato PT. Peccato 'sti stop forsati alle 23.30: mè semper fa i corse! Grassie comunque al Vaghi e a l'urganisassiù(ottimi i casonsei).

07/07/2007

Azzano San Paolo- Festa della Dea (parcheggio Oriocenter)

Beh,la festa de la Dea l'è la festa de la Dea!A Sà ol 7 de löi pare (perchè i stime i è semper approssimative) ci fossero 11.000 persone!Sigüramént mìa töce per noter,ma laga pèrt!Mé va dìghe che saltà fò sö 'n d'ü bèl palcù (finalmente) con töta chèla zét lé denàcc che la canta l'è bèl, ma bèl dal bù! Poi hanno invitato l'Atalanta 1983-84,chèla che ma regorde mèi! Tròp fò chèl Magnocavallo sö "Per l'Atalanta"('nfina a "Carrera" l'ha ülìt cantà!)e anche Magrin al sè prestàt amò per Bepiopia (ma il tempo resta un optional :-)).Ol Bocia 'n versiù piö presentadùr che capo Ultras e tifosi nerassurri, go de dì, molto più controllati e "a bola" del solet. Che dire: gran concerto, gran bel posto, bella festa, bel tép...Grassie a töcc!

06/07/2007

Capo di Ponte - Motoraduno

Ol 6 de löi al Biker to Biker de Capo di Ponte l'è stàcia pròpe öna bèla seràda.C'erano tante facce nuove,ma anche tanti fans storici spressanti i km(grassie!).De zét ga n'era asé comunque e noter an sìa bèi carichi.Ol pòst al sa prestàa perchè töt inturen ghéra ol parco preistorico e pò dopo in sottofondo ghéra i moti e l'atmosfera pistonosa che si respira ai motoraduni!Strabuna la tagliata de caàl (pota...)e strabèl l'Ercole denàcc al palco! Grassie ala Sabrina e ai bikers in generàl.

05/07/2007

Badalasco di Fara Gera d'Adda - Festa dello Sport

An sè dré 'nvisiàf!Amò du ure e 40 de concert anche a Badalasco!A ma troerì lonc e tràcc ü dé!Comunque bel concerto: temperatura ottima per suonare (ma dopo,pota,me ghìe amò frecc)e tanta gente. 'Mpo meno simpatec i muschì che a öna certa ura i era adiritüra dientàcc i padrù dol camerì!Oltre ai soliti affessionatissimi fans i è gnìcc a truàm chi del Club Anima Guzzista (grassie!).Partensa countrieggiante e final rockettoso col Bepi fò di strass.'N mès improvvisata 'nfina Generale de De Gregori!Va beh,ghè piö i scalète rigide de öna olta!Come l'anno scorso complimenti ai cuochi che fan su il carpaccio.Tròp bù!

30/06/2007

Rota d'Imagna - Campo Sportivo

Ol 30 de zögn an sè turnàcc a Rota Imagna e ma truàt amò öna jerla de zét!Il tempo ha tenuto e noter ma picàt zo 2 ore e 36' de concert! Fans belli strinati come sempre,ma tantissimo calore anche da chi piö tranquilli söi gradinàde.Probabilmente ghéra anche tance milanés;al ma fa piasér chi è restàcc lé per quase töt ol tép:al völ dì che 'n sè mìa mal pò a per chi chi ga sent per la prima olta! Stramitici il Cochet versiù Dragonball e 'l Mauro versiù Raffaella Carrà! Ga riàe piö a cantàla chèla Babe! Dopo tempo abbiam fatto giù ancora Bank Blues...pota, ol "Rota Rota" se m'lo fàa mìa ché...Grassie al Sindaco e a töta l'urganisassiù.

28/06/2007

Fanovo di Endine Gaiano - Festa del patrono

Concerto davvero bello e fuori di biglia chèl de Fanöf ol 28 de zögn!Organissassione straperfetta e amò a de piö ('nfìna a la fröta 'n camerì)e tata zét töta sparpaiàda söl prat e söla strada!La frasioncina de Enden l'è pròpe belìna e la seràda la serès istàcia perfetta se la temperadüra l'ìa ü falin' piö estiva (10 gradi,mìa de piö!).Mé so cunzèlàt doma dopo 'l concert,ma pota la zét la patìt abastànsa!Noter comunque ma rüzàt ala granda stès e l'atmosfera era davvero giocosa(aggettivo gaio).Beppe Careàs tromba sö Edilwaltz (note giuste beccate: 0, ma appressiamo lo sforso :-))e tance strisciù de bepifans strinàcc da töta la provincia!Di nuovo un grassie a tutti e uno particolare agli abitanti di Fanovo che han dato una superprova de coma s'fa a fa i laùr bé!

26/06/2007

San Paolo d'Argon - Festa della birra

Data belìna dal bù chèla a San Pol ol 26 de zögn.Du ure e ü quart bele cariche con l'ennesima scaletta diversa (fin adès mai öna stèsa a chèl'otra).Mìa colda,ma almeno cielo limpido!Ü pér de frecciatine dal palco ai detrattori da parte del Bepi che 'la laga mìa 'ndà 'n tèra e öna bèla dose de grinta da trà fò per i fantastici bepifans che i ga mìa problemi a ìs öna bèla jerla anche de martedé (tra i 2000 e i 3000 de sigür).Ala fì, al pòst de la maglièta strepàda, ol Bepi la caàt fò i braghe, restando con degli shorts elasticissati (e mìa 'n mödanda,come o sentìt :-))Ah ah ah... Grassie a Mauro Set Carico che 'l ma prestàt i sò stiài (3 nömer de meno, ma oter)e agli organissatori stragentili e disponibili della Festa della Birra.

23/06/2007

CASNIGO - 3° BEPIRADUNO www.festivalgandino.it

Pota...da 'ndo cumìnse?Il 23/06/2007 resterà impressa come öna di date piö significative mìa doma de Bepi & The Prismas, ma dol Bepiworld in generàl!Al Festivalgandino de Casnic ol spetacol l'è partìt zamò co' l'asta di nòst laùr vècc che la ga permetìt de tirà sö piö de 1400,00 euri (per l'ass.Amici della pediatria). Bravissimo Davide Cortinovis a condurla sul palco e bellissimo vedere i bepifans saltà sö ü a ü a ciapà la sò roba!E dopo...ol concert.Va dighe doma ü laùr:3 ure e ü quart (de mör),ma una grandissima emossione continua! Ospiti söl palco:Marco di Pa e Ansia,Marco Lorenzi,Paolo G de la 3 Faggi,Marcello Ginami,Fabrezze ol Postumo,Rocco Guerini,Simù da Erfa,Luca Crotti,Doctor Faust. Zo dal palco maglietìne Fan Club face zo apòsta,stelìne,strisciù (ma quac'érei?),coregografie: ü spetacol in d'ol spetacol insoma! Ma soprattutto ü bordèl de zét entusiasta amò(4000 persune circa),coma s'dìs,"ala facia de chi che i ga öl mal"! Grassie al Festivalgandino che "crede sempre in noi" (al ghéra scriìt) e a töcc chi che i la pensa 'ssé!

18/06/2007

Chiuduno - Festa della birra

Serata costellata (part.passato di un certo rilievo) de problemini chèla del 18 de zögn a Ciüdü. A cuminsà da chi del servis (mìa i nòsc solet) chi sè prentàcc a ü quart ai sés invece che ai trì e mèsa.Ol risultato l'è ca to fé i laùr de frèsa e oter...i vé come i vé.Per il resto tutto strabene.Serata carica,tép anche abastansa culdì,tata zét e bona!Meno mal chi ma lagàt indà fina a ala mèsa e 'n ga sè riàcc a fa la scaletta completa. Mi scuso coi fans fedelissimi per non esser uscito dopo il concerto (o meglio: so riàt,ma oramai ghìa lé "bel e nigü"!O ciciaràt impo con chi de Palasöl),ma anche de dré al palco a ghéra 'm bel po de laùr de metì a pòst!

16/06/2007

Zogno - Festa Lega Nord(Area Mercato)

Gran bèla seràda a Zogn ol 16 de zögn ala Festa dela Lega Nord! Ü bordèl de zét (forse anche perchè an vé de spès in Valbrembana?),tance strisciù, niente acqua ('mpo freschina, ma sito)e una scaletta lunga più di 2 ore e mèssa.Söl palco Marcello Ginami fisioterapista de la Dea a cantà Per l'Atalanta(a 'lla 'nviàda là lü!)e pò dopo i Transit coi caèi ala Bepi!Fatta giù Pirlies originale dopo ü bèl po.Sperom che adès ol tép al tegne ü falì! Grassie a töcc, in special modo al Giampaolo e ai urganizadur!

15/06/2007

Bergamo Celadina - Celadina in Festa (Festa degli Alpini)

Ol 15 de zögn ala Festa di Alpini de Celadina la giurnàda l'ìa tacàda coi peggiori presagi:acqua töt ol dé (almeno ché 'n Valseriana)e la notissia che una tromba d'aria aveva devastato l'Heineken Jammin' Festival de Venessia!Ol concert l'è tecàt prèst,alle 21,per esigense "di permessi" disom,e,ovvio, sota l'acqua.Tra l'altro mé sìe l'ünec di Prismas a ciapàla sö!La scaletta era stranina,meno rock e piö giocosa,ma la mé pura l'ìa de düzì piantàla lé.Invece ala fì al sè tràcc anche fò e siamo arrivati alle 23.15 in relàss(a parte l'ümet che pota...).Tata zét e amò grassie a töcc chi chi té dür pò a quando i è ciomp!Grassie anche agli Alpini organissatori stragentili.

11/06/2007

Casale Cremasco - Casale Rock Festival www.casalerockfestival.it

A Casal Cremàsc l'11 de zögn al ghè restàt in corp ol mancat finàl de Calösc e ma picat zo 2 ure e mèsa a manèta sènsa risparmio !Eppure vers ai 6 de sira l'ìa tacàt a gnì zo acqua a sidelàde, ma dal bù! Furtuna che c'era il tendone che, seriole a parte, la tegnìt bé! An pensàà mìa, de lönedé, di trovar lì tutta quella gente lì! Invece tanti tanti bepifans, ma anche tanti curiosi chi restàa lé 'mpo 'ssé, ma i 'ndàa mìa vià (buon segno).Mé pense de ìt bötàt fò 10 liter de sudur e chi oter Prismas stès!Comunque bello!Grassie a tutti,indistintamente...

10/06/2007

Calusco d'Adda (Sbirrando)

Acqua,acqua e amò acqua a Sbirrando a Calösc ol 10 de zögn."No,ma i ciàma bèl" i disìa.Chi pò? Töt ol dé a ardà per aria...Un temporalazzo che ci ha perseguitato (al riàa,al riàa, ma al riàa mai)e ala fì acqua per töt ol concert fina a fal desmetì per ko de l'impiant e di strüméncc.An ga sè riàcc a fa zo quase töta la scalèta,ma, pota, col colt e 'l bèl tép al sarès istàcc töta ön'otra roba!Inissio stramega rock e stramega carico,4 o 5 cambi d'abito, ma l'è mìa stàcc asé!Pace...e pota,fa cusè?Mèi 'ssé che öna pesàda 'n dol....dice il proverbio.Un saluto al Walter e a töta l'urganisassiù!

09/06/2007

Berzo San Fermo- Festa della birra (oratorio)

"I ciàma bèl, i ciàma bèl" ma ala fìan sè semper lé a faga la guèra a l'acqua!Ol 9 de zögn a Bèrs un po' ha pivuto,ma tutto sommato,durante il concerto al ga isparmiàt e 'n pöl mìa lamentàs,però, ostrega, öna bèla giurnàda limpida la ga ölerès!Per fortuna c'abbiamo l'affetto (e pò al nömer) dei bepifans che ci segue ovunque.Zét ga n'è semper tanta 'mpertöt e noi siamo strafelici di ciò (al sömèa ü slogan pubblicitario: "Io sono strafelice di ciò"). 2 ure e 15' de concert, riproposissione del vecchio intro de "Disco Sexy Bar" e adiritüra i föc (chi veri) ala fì! Grassie agli organissatori e al Simù Servìs che 'l ma fàcc la sorpresa pirotecnica!

08/06/2007

Pagazzano

Finalmente l'8 de zögn a Pagassà ma truàt amò ü clima decente!Fa negot se la piüìt amò(e pò a bèl decìs)in dol dopolmesdé,ma, almeno la sera, siamo stati risparmiati e c'era anche una bella temperatura. 2 ure e mèsa de spetàcol con un Bepi particolarmente loquace (aggettivo, marca zo).La Kia 'namuràda del Barbèta la festegiàt i 18 agn "trombando" (o meglio...facendo la tromba) su Gruppo Edilwaltz (braa go de dì...).Gran final con graditissimo ospite Doctor Faust che finalmente ma l'ha sentit sunà l'armonica sö Coston Beach! Grassie a tutti i gentilissimi organizzatori e cumpliméncc ai cuochi!

05/06/2007

Alzano Lombardo - Original Bier Fest

Semper bolgia ad Alzà all'Original Bier Fest! Come semper, come chèl fantastico 12/06/2005! Ol 5 de zögn,de martedé,ghìa zo ü mega ròs! Bepifans + avventori qualunque=tendù straciomp!Amò öna olta col tép del menga che 'l ghè 'n chi dé ché l'è stàcia öna fürtüna ìga la cràpa quarciàda.Tutto bello,clima colt,noter stracarichi,Ela compleannata a trombà (nel senso di "fare la tromba" sö Edilwaltz) col Juza presidént dol Fans'Club söl palco.Unico neo:ön impianto audio dol sigür mìa a l'altezza de la festa.Ma mangiàt bé,'n sè truàcc bé e töt, però tata zét issé la meriterès de piö a lièl de servis(la böte lé...).A proposet de servis,ghéra pò al Simù a fa i lüci!

03/06/2007

Pontida - Confederazione Padana (mini-esibizione il Bepi)

Digherès "strana, divertente e particular" l'esibisiù a Püntida per la Confederassione Padana! Ü bordèl de zét (tanti anche su di età) töta ciapàda strabé dala storia! Io,politica a parte,devo dire onestamente che ho visto soprattutto tanti sorrisi e tanto rispetto per ol dialèt e l'è zamò tat al dé de 'ncö, da qualunque banda al rìes! Ho fatto giù 4 cansoni in dù tornàde: La festa,Kentucky,Falco Saoldèl e Coston Beach e la risposta l'è stàcia dal bù fò de biglia! Ala sìra ma so 'nfina ést e sentìt sö Studio Aperto e söl TG5! Grassie mille al Luca Lepore coordinadùr. Prima de 'ndà a dürmì o facc in tép a fa ü salt a Ruèta a salüdà ol Saoldèl c'al turnàa e i ga fàa la festa al Parco. Giornatine intense,ah?

02/06/2007

Almenno San Bartolomeo - Festa della Solidarietà

Compleanno indimenticabile per mé ol 2 de zögn a Almèn S.B.!Nonostante l'acqua venuta giù a sidelàde per töt ol dé (organissatori tra il cupo e il disperato) c'era una sbordellata di gente, ma soprattutto di bepifans in vena de fam i sorprese! Strabello e straemossionante il "tanti auguri" coi stelìne e anche i strisciù! Grassie stramille anche ai mé "soci" Prismas che i ma purtàt adiritüra 2 turte de dré con sö 33 candeline (praticamente i era i candeline con sota öna turta).Mé spere de ìf ringrasiàt con dü concerto amò a manèta,sia nel senso che o sparàt töt chèl ca ghìe,sia nel senso che ai 23.30 bisognàa per forsa smorsà sö töt (e viva l'elasticità mentàle di vari tipi modello "La Festa").Grassie al Pio,al Luca e a l'urganisassiù de la 10° Festa della Solidarietà.

31/05/2007

Zandobbio - 16° ZandobBierFest

Concerto bagnàt chèl de Zandòbe del 31 de masc!Pecàt perchè ol palco e l'impianto audio/luci i era dal bù tra i piö bèi e i meritàa!Pecàt perchè al ga piàs a nisü stà lé a ciapà sö pò a l'acqua,mìa doma 'l frècc!Noi abbiamo spinto al massimo,i Bepifans anche.Ala fì,ma purtàt a cà öna seràda buna,dai.La pioggia l'ìa mìa pròpe de chèla de fa scapà dol töt e 2 ore e messo ancora di concertino le abbiam picchiate giù.Gradito ritorno delle "Boröle" e scalèta töta sfalsàda sö causa tép instabile.De zét 'nìa tanta stès...ma chisà col colt e 'l bèl tép!Mèi mìa pensàga.Mèi pensà a quata zét sota l'acqua...pür de sent ol Bepi!Un grassie agli organissatori gentilissimi di Zandobbio e anche ai cuochi!

26/05/2007

Brignano Gera d'Adda - Oratorio

Il tempo non ci è stato troppo amico ol 26 de masc a l'uratòre de Brignà.Un'oretta e messa prima del concerto ha tacàto a piovere e anche abbastansa convinto.An pensàa de sunà mìa o sunà denàcc a 4 gacc,invece la zét la tegnìt dür e,ala fì,è stata premiata.Dopo un inissio acquoso,infatti,la desmetìt e la zét la sè facia sö come i mégle söl piàt(che similitudine ah?).Concerto carichissimo,2 ure e mèsa con dét de töt!Bepi & The Prismas in gran spolvero.Un grassie particolare al Dolcetto Scherzetto tur mènager che si sta davvero sbattendo una cifra perchè ai concercc al vaghe töt bé.Importantissimo il suo apporto nell'ombra(Bepi saggio e commovente).Di nuovo grassie anche fans piö convinti (citassione d'obbligo per chi de Ruèta,Cazzà e San Gioan Bianc,ier impo de km i ggià fàcc),chì che quando ghè argot impo 'ssé i ga dà la carica pò a chi oter!

25/05/2007

Borno - Mondiali di enduro

Bèla seràda a Buren ol 25 de masc!La gente era un po' meno del solito,ma ghè anche de dì che forse la sömeàa doma perchè l'ìa "spalmàda" 'mpo 'mpertöt:sulle tribune,'n dol prat,söi scale...Molti fedelissimi i era preséncc (grassie di cuore,davvero):sì' riàcc da Careàs,da Barià,da Zogn tanto per citarne alcuni.Siccome i ghéra i mondiai de enduro tra la zét anche tipi de Bologna,de Firenze(dumandì ala Sonia merchandising),ma anche inglés e tedesc.Scaletta bella carica.Simù co' la chitarìna nöa che "minchia,se suona!" e Bepi 'n dol finàl co' la tenuta da endurista.I ciamàa acqua e ma la becàda infatti...ma 'l concerto l'ìa zamò finìt.Ciapela!

18/05/2007

Monasterolo del Castello - Ristorante La Fonte (cena Pesenti Srl)

Ol 18 de masc (come i dìs chi da Casnìc)ma sunàt al ristorant La Fonte a Monasteröl,sul lago d'Endine,per una cena della ditta Pesenti(materiale elettrico)de Pedrenc.De solet chi laùr ché 'n gi fa mìa,ma, siccome era la stessa ditta che ci aveva chiamato a Cologno al Serio 'mpo de tep fa, 'n sè 'ndàcc ulentéra!E ma facc bé!Posto splendido (super parco 'nturen.Ma zügàt anche a balù),tutti gentilissimi(sia chì de la Pesenti che chi del ristorant).Piö o meno 120 persune a séna,di età variegata,ma abastànsa söl zùen disom.Tanti erano già fans.Spettacolare versione di "Babe" co' la Paola (la titolar de la ditta) nella parte della babe e 'l Cochet e 'l Bepi impegnati a fala sciuglì.Ga sarài riàcc?Mah...

13/05/2007

Petosino - Petosino Music Festival

Gran serata ol 13/05 al PEMF Petusì!Ai du de nòcc del lönedé o lagàt ü Bomba stràc,debilitato,in chiaro stato confusionale(e incontentabile).Forse 'llo sa mìa,ma la sò festa l'è 'ndacia benone,almeno per chèl che o ést mé!Öna sfràca de zét(ma tanta dol bù),bel tempo(al sömèa quase estàt,dai),impiantone roboante e,almeno per quanto riguarda Bepi & The Prismas,carichi a 1000!2 ure e mèsa de concerto,chicche come gli spots(o ést chi vè piazìcc...'nnè amò eh!)e i solet züghetì stüpecc söl palco.Mé ma so diertìt öna cifra.Ovviamente un grosso grassie a tutta l'Organisescion...oltre che a tutti voi:grandi!

28/04/2007

Pianborno - Fiera dei Fiori

Strabèl a Pià de Buren ol 28 de avrìl!Strabello perchè era il primo concerto gratis,co' la zét in pé che la püdìa möestàs a piacere!Abbiamo "sverginato"(parole del sindec de Pià de Cogn,stradisponibile tra l'altro)ol palazzetto nöf e mé dighe che ma la fàcc bé!2 ore e 15 de concert denàcc a tata zét(ala fì de meno,ma 'n prensépe i era tance féss!),ma soprattutto davanti a dei bepifans scatenatissimi che chi oter,che magare i ghìa mai ést,i ga ardàa come a dì:"Ma sa i è fò chèstce ché!".Un plauso a chi ha fatto una barca di km:zét da Pontevico,Romà,Martinènc,Nember...e amò piö de lons!I è restàcc cuntécc e l'è la sudisfassiù piö gròsa!Concerto bello snervegno(in scalèta "I boröle...","La Erika","Sö e zo...", "Cosa ga det..."...)e noi belli carichi!A un certo punto o mìa est che 'l palco l'ìa finìt e,porco Giuda,so fischiat zo!La mè 'ndàcia bé che go amò du gambine sane e la sinistra da sola ha retto tutto il peso del Bepi,che i è semper 85 kg (adès).Grassie agli organizzatori,gentilissimi davvero!Alla prossima!

25/04/2007

Scanzorosciate - Casa di Riposo Piccinelli

Ol 25 de avrìl ma sunàt ala Casa di Riposo de Scans.Öna data de beneficensa,doma per i sciure dol ricovero,i parécc gnìcc a troàle e 'l persunal.Nessuna pubblicità,ol nòst nòm l'è mai saltat fò fina a l'ültem,come 'l ghìa de ìs.An sìa zamò stàcc zo l'an pasàt.Sunà per i ansiani l'è semper bèl,tance laur i ga di sfümadüre diferente e pota...l'è semper fò la storia!Ol discors sö Kevin per esempe al ciapàa öna piega amò piö 'nteresante!Domande doma ü laur.Date come chèste dumandìnne mìa a decine.An pöderà mai cuntentà töcc.Ogne tat an va.Issé, a istinto disom...perchè forse an ga na piö bisogn noter de chi chi sculta!Grassie mille a tutto il personale della Casa.Simù de Milà al ga amò ü michèt in boca!

21/04/2007

Villa d'Almè - Cineteatro Serassi (apertura 4el? Tùr 2007)

Pota...go piö parole.Gran bell'inissio di stagione al Teatro Serassi de Villa d'Almè ol 21 de avrìl.Gentilissimi gli organissatori e i dipendencc dol teater,ma soprattutto grandissimi i nostri bepifans che i ha preparàt adiritüra tri banderù tipo stadio,töcc co' la sò maglièta BBFC,ma soprattutto col solet calur.Dopo,'n dü teater,l'è töt impo strano perchè,a püdì mìa saltà 'mpé a balà,anche per me l'è mia facile capì che efèt chi fa i cansù!Sembra comunque che piacciano,dai!Giuliano de Costa Ulpì inaugura la processiù/tromba sö Edilwaltz(capirì perchè),il Bepi al sè cambiàt 85 volte e grande effetto i 3 fighetù(Guidone,Set Carico e Cochet)chi canta Babe.2 ure e mèsa de concert!Sèc istrasèc ala fì(pota,an sìa piö üsacc!),ma cuntècc...e adès avanti Sav...ehm...Prismas!

14/04/2007

Cazzano S.Andrea - Presentazione di 4el? al New Day

Strafuori la presentasiù de 4el? al New Day de Cazzà sabet nòcc!Quando so gnit fò da sö sura al mè ciapàt ü flesh!Töta la vià piena!A mezanòcc!Tròp bèl!Tròp in aria töcc!In aria positivamente intendo.Nonostante l'ora tarda ghéra anche di scetì e ansiani.Ma finìt de fa firme ai 2.33,ghìe la mà 'ncricàda!An ga sìa töcc tranne Simù de Milà,impegnato e influensato(e pò cusè?).Un sacco di facce straconosciute,ma anche gente che 'n vèt mìa de spès per un totale de piö de 200 persune!Bello,bello,bello!Grassie a töcc,ma soprattutto a quel pazzo scatenato del Loreeeenzo che l'ha urganizàt töt e 'l sè sbatìt öna cifra!Sperom al sàbe ü bù sègn per ol 2007!E adès fim saì coma l'è ol cd!

25/03/2007

Bergamo - Festa degli Ultras (piazza Municipio)

An pensàa a ü prensépe de l'estàt e ma truàt öna cua de l'inveren!D'accordo che serve altro per smontare Bepi & The Prismas e i supertifosi de l'Atalanta,ma ol frécc e l'acqua söl co i ga piàs a nisü! Comunque sia festa strabella a Bergamo il 25 Marzo.Domenica ecologica, poche machine e Municipio quarciàt zo completamente de stendardi nerasurri!Tata zét,almeno triméla (meno de chèl c'al ga sarès istàcc col sul ma oter)e tutto anche meglio del previsto.Noter francamente an pensàa de ìs piö rösnécc,invece eravamo anche belli fludi (marchì zo "fluidi")."Cristiano Doni" fatta giù 2 volte (la prima col Lapide nell'intro)e vers a la fì zögadur,èss zögadur,tifosi,de töt sö chèl palco al ghìa!Tutto bene,dai.Ma cantàt col Defendi,ol Rivalta,ol Ginami e ol Bonacina (chi ghè anche 'n dol disco) e 'l Bocia la fàcc l'intro de "Per l'Atalanta".Sul palco anche Bepi Casari,Cantarutti e Vavassori(Caniggia l'è riàt dopo).Grande manifestassione d'affetto vers a Berghem e la Dea e anche di civiltà direi,visto che i toni,in tutti i sensi,sono stati contenuti.Adès che i mutur ma ést chi fünsiuna an pöl partì...an sa èt ol 21/04.